09/11/2021
正式榮升孫太 戴夢夢讚老公一百分
【晴報專訊】戴夢夢昨日與金融才俊男友Kyle於灣仔一酒店結婚擺酒,筳開八席大宴親朋,圈中好友包括黎瑞恩、江欣燕、黃婉曼、林盛斌及蔡一鳳夫婦等到賀。夢夢大讚老公一百分,既細心又懂下廚;至於太極樂隊鼓手、舊愛朱翰博(Ricky)未有到場,但有送上禮金祝福夢夢。
夢夢與老公Kyle外形相當合襯。
36歲的戴夢夢上月中突然宣布結婚,昨日正式舉行婚禮,嫁給現年39歲的Kyle。一對新人昨午在酒店門外會見傳媒,兩人企定定拍照後,夢夢獨自留下接受訪問,她開心說︰「叫我孫太!我老公好怕醜,佢頭先落嚟見大家都話心跳加速。」一臉幸福的夢夢,右手戴上求婚戒指,左手則戴上哥哥所贈的紅寶石鑽戒,她說︰「哥哥十年前已經準備好呢套嫁粧畀我,有戒指、耳環同頸鏈,所以好感動。」
夢夢大曬求婚戒指及哥哥送贈的紅寶石鑽戒。
否認雙喜臨門
夢夢與老公多次公開甜蜜咀嘴。
夢夢透露是透過一名醫生朋友而認識老公,兩人拍拖半年便認定對方,「其實都算快,但唔係有咗BB,我都希望雙喜臨門,最好好似蔡一鳳咁生龍鳳胎,一次過搞掂。」她又大讚老公︰「佢好family man、好細心,煮嘢食好叻,畀佢一百分!」
李思欣及老公范振鋒亦有出席婚宴。
而夢夢曾跟Ricky展開忘年戀,並經歷數次離合,但雙方再見亦是朋友,夢夢更自爆有邀請對方出席婚禮,惟Ricky不想放錯焦點而缺席。夢夢認同道︰「唔通壓軸嘉賓請太極樂隊上台表演咩?始終好多老人家。不過佢前幾日特別去我樓下畀禮金我,我老公同佢都見過兩次面,佢知道我老公整親鎖骨,都有叫佢小心啲。」問Ricky可有送上祝福,夢夢說︰「佢有傳信息祝我一切順利、開開心心、白頭到老。」
轉載自: 晴報
【你點睇】教育局最新初中教材提出應堅拒婚前性行為,你認為教材內容是否不合時宜?► 立即投票