【晴報專訊】人氣男團ERROR前晚出席動畫電影《鱷魚君最後的100天》首映禮，問四子若生命只剩100天，他們有甚麼想做？四子各有各理想，郭嘉駿（193）表示想瘋狂使錢，而吳保錡則希望到世界各地舉行演唱會，然後死於舞台。

ERROR甫出場，台下粉絲即尖叫連連，場面熱鬧。

　　ERROR前晚現身電影首映禮，吸引近500名粉絲到場支持，企滿四層商場。四子在活動上合力繪畫四格漫畫，不失搞笑本色，展現騎呢畫功；之後，四子主持拮爆氣球的儀式，但牛高馬大的193和保錡竟然驚得躲在一旁，場面惹笑。

193寸保錡專心食沙律

　　今次是四子首次配音，他們均異口同聲表示感到很新鮮，亦期待觀眾會喜歡；梁業（肥仔）又希望聲演更「黐綫」的角色，何啟華（阿Dee）笑言︰「我想配啲18禁題材，大家可以玩得好癲。」肥仔即附和說︰「就叫《鱷魚君的最後18禁》！」至於四子的懶音問題，阿Dee承認有待改進，但193就自信表示懶音是他們的風格︰「如果字正腔圓就唔係我哋啦！」

　　另外，問他們若生命只剩下最後100日，最想做甚麼？四子你一言我一語笑稱︰「最想姦淫擄掠，我哋各自擔任唔同角色。」193又謂︰「我最想返去原始時代，大家唔使着衫…到時我唔會再賺錢，係瘋狂去揈錢。」肥仔提出想與193打一場拳賽，但193明言拒絕︰「我唔想囉，好攰。」保錡則希望到世界各地舉行演唱會，他稱︰「作為藝術表演者，能夠死於舞台真係無憾，為人生畫上完美句號。」

拮爆氣球時，193（左）和保錡（右）害怕得躲在一旁。

　　問保錡日前的桃色新聞可有影響他的工作？他自嘲說︰「一向都無乜工作，有咩就做咩。」193亦不禁揶揄對方︰「佢得兩樣嘢會專心，就係工作同食『沙律』（保錡女友張沛樂）。」