拒提參加新秀黑歷史 「生鏽」張振朗自嘲唱功得人驚

　　【晴報專訊】張振朗、龔嘉欣及劉佩玥等昨日宣傳劇集《堅離地愛堅離地》，為劇集獻唱主題曲的張振朗，原來06年曾參加英皇新秀歌唱大賽，可惜輸給洪卓立。振朗不欲回味這段「黑歷史」，自嘲當年無論造型及唱功，皆輸得有道理。

06年，張振朗參加新秀，造型娘味十足。

　　張振朗最近為劇集獻唱主題曲《差一些》，獲觀眾稱讚歌藝不俗。但當重提振朗06年參加新秀的往事，他即耍手擰頭說：「我依家直頭『生鏽』啦，唔好再提呢段黑歷史。當時真係獻醜，我諗番當年嘅造型同唱功，真係得人驚，唔贏絕對有原因，簡直不堪入目，大家忘記佢啦，千祈唔好搵番嚟睇。」他笑言寧願在周日的台慶頒獎禮食白果，也不想大家重溫當年片段。

張振朗拖實女僕龔嘉欣（左）與劉佩玥，艷福無邊。

　　至於以女僕造型上陣的龔嘉欣，則透露稍後跟羅天宇合唱，亦不排除踩入樂壇：「自己有份做主角嘅劇集，唱番主題曲會特別有感情。」嘉欣日前在《堅離地》的一場爆喊戲，引起網民熱議，嘉欣坦言：「套劇係三年前拍，睇到網民cap圖，回憶返晒嚟。我印象中嗰排睡眠不足，對眼乾到痛，全靠振朗傍住咋！」振朗笑說︰「嗰場戲我只係好似保安咁傍住啫，嘉欣真係好厲害。」

預告在熒幕前除褲

張振朗對於在台慶頒獎禮獲獎有信心。

　　他們透露稍後還有一場飲醉搗亂戲，振朗表示自己再次在在熒幕前除褲：「唔知點解監製咁鍾意我除褲。不過好少有套劇20集都係講毒男，雖然套劇三年前已經喺大馬播過，無諗過依家香港播仲有討論空間。」他們笑指該場醉酒戲相當好玩，皆因監製讓他們在廠內盡情破壞：「我哋拍嗰陣玩到癲，仲整到成牆都係茄汁。」