與黃心穎互相Unfollow 湯洛雯唔認絕交：太忙少聯絡

　　【晴報專訊】湯洛雯（靚湯）與黃心穎這對好姊妹，有傳靚湯接收了心穎的事業及男朋友馬國明後，導致友情破裂，更互相取消關注IG。昨日靚湯否認與心穎絕交，自言對unfollow一事毫不知情，但坦承二人已少聯絡。

湯洛雯否認獲父親送豪宅，澄清是自己與家人合資供樓。

　　湯洛雯與丁子朗昨日出席手錶活動，早前有指馬國明向靚湯求婚成功，更想趕及明年初成婚，不過靚湯否認說：「無求婚亦無結婚呢件事，我哋拍拖幾個月，上次話我哋睇樓，都係咁啱經過望下，如果真係結婚亦唔會隱瞞。大家都係朝呢個方向，我哋年紀都唔細。」靚湯笑言與馬明相處舒服：「我哋目前係磨合期，拍拖要循序漸進，我唔會閃婚。（同居試婚？）我哋分別同父母住，如果佢（馬明）唔介意，大家拜會雙方屋企先，順其自然。」

黃心穎（左）與湯洛雯過往Friend到摸心口，但好姊妹感情不再。

　　提到與黃心穎互相取消關注IG，靚湯否認反面：「我通常follow咗一個人，就唔會掂unfollow嘅嘢，所以我都唔知點解，你哋同我講先知。」與心穎仍是朋友？她只說：「我唔會話唔係朋友，佢（心穎）去美國之後我哋仲有少少聯絡，但呢排大家都忙，少咗聯絡。」有傳無綫不與心穎續約，靚湯表示不了解：「我連自己份約都未了解。」

丁子朗被踢爆有拖拍

丁子朗自爆與身在大馬的緋聞女友林宣妤以視像保持聯絡。

　　同場的丁子朗原來入行前已視靚湯為女神，昨日他大讚女神說：「靚湯認真工作，同佢合作開心又興奮。」丁子朗自言全程不敢與靚湯有眼神接觸，靚湯突然反問說：「你唔係有女朋友咩？」令丁子朗非常尷尬。問他與前華姐林宣妤是否拍拖？他即向靚湯求救如何回應，靚湯說：「我直認，你都直認啦！」丁子朗口窒窒說：「我同林宣妤係好好朋友，喺香港會一齊食飯。」