07/07/2020
《飛虎》第3輯繼續打 苗僑偉:好似《愛.回家》咁拍落去
【晴報專訊】邵氏全新網劇《飛虎之壯志英雄》昨日舉行開鏡儀式,除了「鐵三角」苗僑偉(三哥)、黃宗澤(Bosco)及吳卓羲(Ron)外,更加入新面孔郭晉安、馬德鐘及朱晨麗等,Bosco更劇透將與陳瀅有親熱戲,三哥大呻無艷福。
苗僑偉演足三輯《飛虎》,他希望長拍長有。
提到《飛虎》系列拍到第三輯,苗僑偉與黃宗澤受訪時,笑言有信心可以拍第四、五、六輯,三哥更搞笑說:「希望好似處境劇《愛.回家》咁拍落去。」Bosco笑言若三哥叫到,自己一定奉陪繼續拍。他們透露今輯的動作戲是歷來最多、最辛苦,可擔心天氣酷熱拍外景戲易中暑?三哥說︰「無得驚,惟有飲多啲水。」加操體能?Bosco取笑說︰「三哥練咗『回春功』!」三哥亂噏說:「之前膝頭舊患突然好番,可能係迴光返照。」
黃宗澤(左)與吳卓羲在第三輯繼續艷福無邊。
Bosco劇透說劇中將與陳瀅有咀戲及床戲,三哥聞言笑說:「啲靚女戲、咀戲留晒畀Bosco,我自己唔知有無(親熱戲)。」早前Bosco與吳卓羲建議三哥與無綫高層樂易玲演一對,三哥說:「咁大件事?要樂小姐粉墨登場,佢邊會有期。唔係嫌棄,無謂要佢咁辛苦啦。」
郭晉安扮微生物學家
視帝人馬郭晉安(左)與馬德鐘(右)首次加入《飛虎》,與張兆輝大鬥演技。
新加入劇組的郭晉安,在劇中飾演微生物學家,與張兆輝有不少對手戲。安仔說:「我都係第一次同輝哥合作,輝哥係我學習對象。我未演過飛虎隊,只演過CID或海關。」想演飛虎隊成員?他說:「如果話恨做,第四集就會搵我,或者做訓練飛虎嗰個,叫人跑自己唔使跑。」至於飾演飛虎隊頭目的張兆輝,笑言平日有操練體能,應付戶外動作場面也沒大問題。
轉載自: 晴報
《說說心理話》【奧運劍擊熱】大師兄張小倫親身分享!贏在起跑線=壓力?如何培育子女有卓越成就?► 即睇