18/06/2020
11月開工 《白色強人2》三視帝兩視后鬥戲 郭晉安︰淨係睇Poster都好睇
【晴報專訊】去年無綫劇集《白色強人》掀起追劇熱潮,更助馬國明首奪視帝。日前有報道指續集即將開拍,除了郭晉安(安仔)、馬國明及唐詩詠等原班人馬外,陳豪(阿Mo)、胡定欣亦會加盟。昨日《晴報》聯絡到安仔,他直言︰「今次有三個視帝、兩個視后,好興奮,淨係睇Poster都好睇!」
醫療劇《白色強人》去年中在TVB熱播,更成為《萬千星輝頒獎典禮2019》的最佳劇集,各界也期待該劇盡快開拍續集。昨日有報道指,正為《陀槍師姐2020》開工的陳豪與原本離巢無綫的胡定欣,將會參與11月開拍的《白色強人2》,配合郭晉安、馬國明及唐詩詠的原有陣容,卡士之強絕對是近年罕見,當中03、05年及14年視帝安仔、07年視帝阿Mo及19年視帝馬國明齊齊鬥戲,相信必定是觀眾之福。
《白色強人2》中,馬國明飾演的唐明和唐詩詠飾演的蘇怡,戀情會出現暗湧,有傳胡定欣會介入其中。
冀續集變50集長劇
郭晉安(右)在《白色強人》飾演的YT(楊逸滔)笑裏藏刀,未知續集會否與新加入的阿Mo鬥個你死我活。
昨日本報聯絡到安仔,他直認將會為《白色強人2》開工︰「暫時劇情講乜都未知,淨係收到消息11月開工!」提到首度與陳豪鬥戲,安仔坦言︰「我哋應該無合作過,所以都好期待,三個視帝喺同一齣劇,近年無綫好似都未試過!(TVB好重視?)都係。我同胡定欣都好耐無合作,今次有三個視帝、兩個視后,好興奮,淨係睇張Poster都好睇!」
今年初《白色強人》在台慶頒獎禮勇奪最佳劇集,幾位主角齊齊出席慶功宴。
對於《白色強人》第一輯僅25集,續集會否增加集數?他笑言︰「今次陣容鼎盛咁多演員,我希望有40集,有50集以上仲好!」安仔坦言TVB每年也有類似的大budget劇集,故此自己也很期待開工︰「第一輯成績好好,好多人都期待拍續集,都要滿足一下觀眾!」
連開兩劇忙到農曆年
陳豪與胡定欣繼16年的《來自喵喵星的妳》後,將在《白色強人2》再合作。
安仔又透露下月先為《飛虎3壯志英雄》開工,拍到11月緊接拍攝《白色強人2》。他說︰「估計拍到農曆新年!(主要留港開工?)因為疫情關係,唔會返內地開工,所以都係留港先!」很多網民熱捧《白色強人2》的黃金陣容,有觀眾亦期待安仔與陳豪鬥智鬥力。此外,阿Mo日前受訪時也承認會拍《白色強人2》,又指劇本在編撰中,因此未知道其角色,他也期待與郭晉安合作。
至於被拍到與人夫黎振燁在車廂「偷食」蛋糕的朱智賢,在《白色強人》與安仔有不少對手戲,惟其形象插水,一直未有復工迹象,估計不會在續集出現。
轉載自: 晴報
《說說心理話》【奧運劍擊熱】大師兄張小倫親身分享!贏在起跑線=壓力?如何培育子女有卓越成就?► 即睇