【晴報專訊】鄭秀文（Sammi）昨日一身紅黑型格打扮，配合鮮艷紅唇，偕周柏豪及何超蓮出席化妝品牌活動。她更暢談不同唇形的接吻質素，直指口大加厚唇的人咀嘴最著數，因為接吻時可以「食住」另一半。

Sammi自稱除了睡覺外，任何時間都會搽唇膏。

　　問Sammi可滿意自己的唇形？她自認唇形不錯，更大讚性感女神舒淇的厚唇迷人︰「（我唇形）唔算太臘腸，但又唔太薄。不過自己傾向鍾意厚唇，好似舒淇嘅嘴唇就相當靚。」她更猶如「睇唇專家」上身，笑指如果嘴唇太薄，接吻時便沒有厚唇般的「口感」，影響接吻質素。

　　自認是「唇膏控」的Sammi，家中珍藏過百支唇膏，雖然多年來不斷送唇膏給朋友，仍剩下大量存貨，更笑言在家中得閒沒事做，都會搽唇膏，甚至執衣櫃時都會搽。

　　拍戲多年，哪一位男星最好咀？她笑說︰「唔記得喇，但做得男星相信都好好咀。」老公許志安最好咀？她即說︰「又問老公？好悶呀，就恰著。（老公讚你唇形？）無特別讚，但相信佢唔敢嫌棄。」她又大讚同場的周柏豪肌肉恰到好處，但直認不敢亂摸對方。

　　柏豪得知Sammi稱讚他的肌肉時，即開心說︰「我會Keep住。我識太太嗰陣我仲係鋼條形，佢可以攬住我成個人，依家我大隻咗，佢就攬唔晒。」榮升老闆娘的超蓮，笑言現時專注牛肉麵店的生意，又坦言平日不愛化妝，經常素顏示人，可說是天生麗質。

超蓮多男仔追

超蓮早前開設牛肉麵店，柏豪不忘為對方大賣廣告。

　　柏豪亦大讚超蓮做生意夠叻女，也經常光顧她的牛肉麵店，又笑言若幫對方宣傳，可獲贈一碗麵。問柏豪會否順勢介紹男仔給單身的超蓮認識？他笑說︰「唔會啦！以超蓮嘅條件，介紹男仔畀佢識簡直係侮辱，佢肯拍拖嘅話，肯定煩過無拖拍，佢有好多筍盤。」