03/06/2016
掃盡5間尖東邪惡街頭小食!
在尖沙咀一帶掃街,必到點是位於尖東科學館與百周年紀念公園一帶。相較於海港城,尖東一帶沒有甚麼大商場,小店多了生存空間,而且不時有新店加入,好似最邪惡5層芝士流心包,以及最務實港姐譚小環的魚蛋店,都選擇落戶尖東,人氣更是旺到不得了!
來到尖東食乜好?快睇編輯們精挑細選的5間人氣邪惡食店!
洗版王!奧地利足料5層芒果芝士流心包
號稱全港最邪惡的五層芝士流心包,從去年底就在網絡上不停洗版,近日更推出五層流心芒果芝士軟包,適合夏日的清新。
這款芝士軟包是奧地利的百年老店的「麥上日光」王牌產品,麵團發酵時間長,麵包鬆軟,好似雲朵一般!內裏注入來自澳洲及紐西蘭的cream cheese,表面再撒上芝士粉,芝士味超香超濃郁!
想要一嘗滋味,便要付出耐心排隊。流心芝士軟包每日限量500個,據說限量的原因,是麵包出爐後要降溫兩小時,這樣麵包才能保持鬆軟度,待涼透之後才加入忌廉芝士,所以等待需時,一天做不了太多個。不過小編較幸運,平日下午時段到店,不用等候,就買到啦!
今次試食新推出的5層流心芒果芝士軟包,撕開軟包,室溫下已見到些許流心效果,香滑的忌廉芝士配上芒果醬,仲食到少少果蓉!味道上偏清新,奶香味不算突出,但吃下整個也不會膩。
這個芝士軟包仲有其他創意吃法,想要食到勁流心效果,可將芝士軟包放入微波爐稍微叮熱,也可將軟包放入雪櫃,芝士餡食落好似雪糕咁,最適合夏日!
除了王牌芝士軟包,店內其他出品也頗吸引,造型可愛,又不乏健康之選!蘑菇兄弟、沖繩紫薯公主、牛油果果等都是人氣產品!
麥上日光
地址:尖沙咀金馬倫道32-34號福僑大廈地下D舖
電話:3956 5437
營業時間:10am-9pm
《經濟通》所刊的署名及/或不署名文章,相關內容屬作者個人意見,並不代表《經濟通》立場,《經濟通》所扮演的角色是提供一個自由言論平台。
【慎防受騙】偽冒《經濟通》投資群組頻現,切勿誤信騙徒,如有疑問,請循官方渠道查詢► 了解詳情