12/02/2016
【約你去熟食中心的女友】街市內撐抬腳的3大推薦!
【觀塘】
拿督大飯店 霸氣星馬菜
拿督,在馬來印尼等地,是對德高望重之人的尊稱,觀塘碼頭擾攘市井間的一個星馬菜小店,卻叫得拿督星馬大飯店之名,自嘲之餘想必有些來頭。
陳太90年代曾赴新加坡打工,做珠寶技工,工餘時在親戚家食店幫手,練得地道娘惹菜手藝。回港後,她先後在尖沙咀、北角、小西灣開店,蔡瀾亦是座上客,因租金問題愈遷愈遠,甚至被迫結業。14年終於在觀塘碼頭街市覓得平舖,捲土重來。在香港做得星馬菜舖子本身已不多,而這間拿督出品連南洋人都話正宗!情人節揀這裡撐抬腳,Honey都會讃一讃你!
馳名怡保炆大細腳黑豉油撈麵 $35
阿咩:大細腳即豬腳和雞腳,用新加坡黑豉油,加幾滴本地燒豬油撈勻,香噴噴。雖然麵是黑漆漆的樣子,卻咸度適宜,並帶少許香甜味,豬油令麵有點黏感,和豬腳及雞腳的膠質互相呼應。豬腳已炆得好軟腍,輕輕一咬已可把骨膠原及豬腳肉咬出來,再慢慢在口內咀嚼及吐出骨頭,雞腳用上小隻的,也是煮得軟腍,同樣地,中間部分也隱藏不少骨膠原,是女士恩物。
麵的份量很足,男士也能吃飽,雞腳和豬腳各有幾塊,份量也不少呢,一點也不吝嗇。我特別喜歡麵條中夾雜很多清甜爽脆的芽菜,據說是新加坡空運來的,營養比較均衡之餘,亦令整個麵減少了肥膩的感覺,多一份清新。
海南雞飯 $45
筋肉辣椒仔:雞肉色淡味香質腍,屬中上,油飯色淡味香惟略膩,踏實之作。小弟愚見,海南雞飯有三忌,其色忌鮮,其肉忌榎,其飯忌膩。小時助家務農,鮮有雞食,因雞能報以時,能取其蛋,能除害蟲,其糞為佳肥。冬至新年節慶方有雞食,且是老雞,其肉甚硬,其味則極香,其滋味極難忘。於雞之珍貴,故華人處理雞甚有學問,肉、血、爪、羽皆有其用,未會浪費。
豬頸肉胡椒湯麵 $35
鬈毛妹:湯底夠濃夠刺激,豬頸肉又腍又入味,可以話係豬頸肉界嘅典範,旁邊既蘿蔔都唔好睇小,煮到入晒味,又不失蘿蔔本身既鮮甜味,大愛!
腐竹薏米冰
鬈毛妹:飲品都唔簡單,相中前面既係「腐竹薏米冰」,其實根本就係一碗雪到凍冰冰嘅腐竹薏米糖水,好足料,唔會死甜,當甜品咁食都得;後面既係「忌廉鮮奶紅豆冰」,如果你喜歡飲忌廉鮮奶,又鍾意食紅豆冰,呢一杯正好一次過滿足你兩個願望!
拿督星馬大飯店
地址: 觀塘觀塘碼頭熟食中心1樓20號舖
《經濟通》所刊的署名及/或不署名文章,相關內容屬作者個人意見,並不代表《經濟通》立場,《經濟通》所扮演的角色是提供一個自由言論平台。
【你點睇】工聯會調查指外勞輸入政策影響漸現,多個行業失業比例較高,促暫停輸入外勞,你是否認同?► 立即投票