【晴報專訊】ViuTV真人騷《全民造星》前晚曲終人散，熱門之一的肥仔（梁業）全晚由頭帶到尾，可惜最終只得梗頸四。不少粉絲為他大感不值，慨嘆只因其外貌一般，輸在公眾投票；有人亦狠批賽果欠說服力！

　　《全民造星》的最後十強前晚進行總決賽，經過兩個半小時競逐，擁有大量粉絲護航的「小鮮肉」姜濤，一如所料贏得冠軍，亞軍及季軍分別是Ian（陳卓賢）及Lokman（楊樂文）。不過，全晚最大亮點必定是肥仔，他在兩輪表演先後以露膊苦行僧及拉丁舞王的造型跳唱，發揮水準兼具台型，俘虜不少現場觀眾及電視機前觀眾的心，就連星級評判周慧敏亦稱讚他有領導才能及大將之風，可惜肥仔還是未能更進一步，最終評分輸給季軍Lokman僅僅0.6%，只獲得第四名。

肥仔勁歌熱舞霸氣盡現，可惜他未能取得任何獎項。

自詡非普通肥仔

側田向肥仔送暖，睇好他可以繼續在娛樂圈立足。（IG圖片）

　　賽後，肥仔受訪時表現豁達，直言知道很多人鍾意自己，但未必係第一位，賽果屬預計之中。他又指女友在台下感觸落淚，自己亦希望繼續在娛樂圈發展。至於導師之一的側田亦在FB上載合照，並送上鼓勵︰「我心目中嘅冠軍！」另一導師Eric Kwok亦在IG稱︰「有呢個肥仔令到呢個Show好好睇！」

姜濤（中）以無敵姿態熱爆奪冠，他自言這是實現夢想的第一步。 

　　昨日傍晚，肥仔出Po總結今次比賽，除了感謝幫手伴舞的好友、女友及支持者，他更稱︰「辛苦咗五個月嘅成果好多人都睇到，我再唔係一個普通肥仔，記住我係全民造星45號肥仔梁業！」很多視迷熱捧肥仔前晚演出值200分，鼓勵他繼續努力；有觀眾亦盛讚他有風度要畀Like。