楊婉儀走出產後抑鬱

　　已淡出娛樂圈的前港姐楊婉儀（Winnie），年前開設兒童教育中心，作育英才。她應邀擔任觀星台親子節目嘉賓時分享親子心得，並透露當年產後曾經輕微抑鬱，幸得一對子女救她一命。

楊婉儀認為，要增強孩子的自信心，父母宜多讚賞、少批評。

　　美貌智慧並重的Winnie，為了孩子，近年修畢兒童心理學課程，這次她擔任區永權（Albert）的觀星台親子節目《Hello Au Pa Ma》嘉賓，在節目中大談提升孩子自信的方法，要點是「有讚冇彈」：「家長要多加鼓勵，讚賞孩子。小朋友唔知對與錯，你只係鬧佢呢度唔啱、嗰度唔啱，佢嘅自信心會愈來愈小。所以我哋要用正面方法，做得啱讚佢哋，做得唔啱就盡量唔提。」她認為，家長的角色是教曉孩子關心別人、懂得說多謝及培養同情心。

　　Winnie是不少媽媽眼中的模範媽媽，但她承認曾受過產後抑鬱的困擾：「那時囡囡歲半，囝囝剛出世，自己唔夠瞓又覺得走樣；報紙又彈我生完第二個走樣。當聽到兩個細路一齊喊，問自己點解生命變成咁樣，曾諗過，死咗就唔使聽到呢啲聲音同批評。」

夫婦共識 不唱反調

　　她續說：「不過，當望到兩個小朋友好需要自己，冇咗阿媽仲慘，於是情緒平復過來。兩個小朋友救咗我！」她寄語，媽媽在孩子出世前要做足心理準備，產後可能會情緒波動，但若能得到的家人支持，問題便可迎刃而解。

　　Albert又問Winnie，夫婦教導子女會否分工？她指自己教英文、丈夫教中文，而共識是若其中一方責罵孩子，對方不會唱反調。

《Hello Au Pa Ma》
播映日期︰12月3日
播映時間：8pm
播映頻道：now觀星台now102台

撰文：張仲碩
轉載自晴報