教孩子理財嘅時候，好多家長、父母都會講需要同想要嘅分別。

　　教孩子明白需要想要有時好難，除咗香港係物質充裕嘅社會，有時家長自己的行為影響力都好大，但是可以做到的。

　　好多時小朋友同大人對想要同埋需要的諗法好唔同，當我們認為係想要，但聰明嘅孩子就會同你講其實係屬於需要嘅。例如，當已經有兩對用嚟踢足球或者跳舞鞋嘅時候，都仲想要埋第三、第四對嘅時候，我哋認為過晒龍啦唔使買啦，已經超出需要啦。但孩子呢就用唔同原因，例如顏色，款式，牌子，朋輩嘅選擇，就認為係有需要架，呢啲情況點算呢？我建議以下方法。

　　首先，基本嘅分別仍然係要教，例如吃飯和飲水係需要，吃零食和汽水係想要，呢個係好明顯，不會有太大爭議。

　　如果要令到孩子分別需要同想要的概念，最好從細教起，一、兩歲時教他們不要浪費東西，食晒啲嘢唔好嘥。

　　另外，父母做榜樣很重要，父母多表達東西夠用就得，不用追潮流。平時在孩子面前做得多，他們聽得多就懂分別想要同需要。父母的壞榜樣令孩子好難明白應買才買，其身不正，很難令他們信服。

　　最後，平日多啲教孩子珍惜擁有嘅野和要感恩包括有健康和一個好的家庭，父母也要避免在孩子面前討論和比較他人的工作、地位、收入同埋一啲物質上嘅享受；否則孩子會變得喜歡比較，過分追求物質和自我中心，在這環境長大的孩子會很辛苦。

 《經濟通》所刊的署名及／或不署名文章，相關內容屬作者個人意見，並不代表《經濟通》立場，《經濟通》所扮演的角色是提供一個自由言論平台。

《說說心理話》身體唔舒服查唔到原因？周身痠痛疲累？可能係患有心身症！點解原生家庭會長時間影響一個人？點樣脫離循環？► 即睇