暑假是動畫的季節，7月要數最紅的當然是一班《迷你兵團》，除了票房報捷之外，更成功俘虜大小朋友的心。因此，每逢迷你兵擺展覽的地方，都會惹來大批觀眾和他們拍照。 

Ben Ho授權轉載

　　其中一個展覽場地便是沙田新城市廣場，話說展覽於昨日(2日)正式完結，網友Ben Ho昨晚約11點半時經過展場時，發現展覽清拆途中，一眾迷你兵被噴上黑色油漆，他表示：「現實就是這般殘酷」。主辦單位的做法惹來網友們的熱議。

　　不少網友表示此舉是「不環保」，而且「超級浪費」，Atlas 見到此情此景，想起了「Toy Story」；Noe認為「其實用完唔要都係掉，何不畀有興趣嘅人拎返屋企，再唔係主辦單位拎出黎拍賣，又可以回返少少本，又環保」，亦有網友建議送給慈善機構，Rainbow認為「可達致宣傳效果」，Joey則認為可以「氹下小朋友開心」。

　　另一方面，部分網友認為主辦單位這樣做是「無可厚非」，這全因為版權問題。FatLun估計「可能活動主辦單位同版權持有人在合約上定明，展品不可作展出以外用途」，Hoo Ting認為「畀人偷咗周街放／拍賣，版權問題好嚴重」，他更舉例，表示「如果真係批准咗拍賣，有間店因為買咗隻野而大受歡迎生意激增，動畫公司同佢條數又應該點計？」

　　不少網友認為主辦單位的做法不妥當，廣告狂人批評同行「用完即棄」，質疑「你哋認為有冇更高明、更唔浪費資源的處理手法？」Ronnie認為「用布遮住先都好啊，畀啲細路仔又或minions fans見到會好唔開心；Tung Yiu亦認為「無必要大庭廣眾下咁高調地處理啲公仔，途人見到唔嘩然至奇，唔講隨時以為係遭人惡意塗鴉」。

 《經濟通》所刊的署名及／或不署名文章，相關內容屬作者個人意見，並不代表《經濟通》立場，《經濟通》所扮演的角色是提供一個自由言論平台。

《說說心理話》身體唔舒服查唔到原因？周身痠痛疲累？可能係患有心身症！點解原生家庭會長時間影響一個人？點樣脫離循環？► 即睇