年前，因撰寫《紅事二三事：人情計算方程式》而爆紅的博客史兄，本月27日所發表的新作《澳牛的黃昏》又成了熱爆網文，文章於多個地方刊登及轉載，逾4萬人讚好。

 

　　史兄借最近光顧澳洲牛奶公司（下稱「澳牛」）的經驗，以炒蛋質素下降和伙記的態度變好兩件事，概嘆本土的優勢消失。他認為：「炒蛋沒了，澳牛沒了，香港也沒了」、慨嘆「變得係好，係壞，我唔知；我淨係知道我唔鍾意呢個轉變」。文章令不少網友勾起食澳牛的回憶，並對香港的未來感到失落嘆息。博客「白影」認為文章：「三個字：笑中有淚」。

 

　　澳牛最出名的是其炒蛋和伙記態度差，史兄認為「它有效率、高質素，再配以頂級惡劣的服務，簡直係一個絕佳的Package」，「Tee」認為「澳牛係最有香港本土代表性嘅景點，內裏所有嘅景像都係構成香港之所以成為香港嘅elements。排隊、擠擁、空間utilization、一分錢只得一分貨，所有人(伙計與顧客) 都緊密分工，踩盡」。

 

　　面對史兄認為炒蛋變差的評語，聲稱每個星期都會光顧的「Cindy」就表示：「我仲覺得好好食」，同時推介奶茶同少油多士；「Yanimax」認為「其實間野一啲都唔特別，唔知點解外地人咁鍾意去」。

 

　　服務態度方面，「Sunny」認為「澳牛係最唔開心時走去搵交嗌的地方」；「Ken」不認同食澳牛是受氣，只是要用粗口和伙記溝通，「Arthur」記得同枱的遊客「叫慢啲」都被罵，他表示：「以後唔會再去」。

 

　　文章被瘋傳後，史兄重申文章非食評。「Peggy」認為「文章希望大家諗清楚香港人到底係咩，香港精神係咪淨係賺大錢咁簡單？」；「Edward」則認為「澳牛的沒落，如同面臨周遭種種褪色事物，除了一陣失落嘆息，空餘無能為力」。不過，「Dicky」就認為文章過分解讀，「講下講下又關國內人事，遲下內戰架啦」。

 

《澳牛的黃昏》原文：http://www.hkoriginals.hk/theduskofaustdairy/

 

　　(溫馨提示：文章夾雜大量廣東話粗口，不喜勿Click)

 

 《經濟通》所刊的署名及／或不署名文章，相關內容屬作者個人意見，並不代表《經濟通》立場，《經濟通》所扮演的角色是提供一個自由言論平台。

• 

WoW WoW星期三：健康網購產品低至半價 (只限今天)► 火速行動