「情侶間『去邊食飯』呢個問題仲難拆解過『南北韓危機』同『阿仙奴N年無冠』」不講不知，原來有些男士會將你肯不肯捱麥記，視為其中一樣擇偶的條件。最近，兩位自稱都是DSE雞(中學文憑試學生)的「Camera Ready」導演把網絡作家張晨的潮文《男人一生，只為尋覓一個肯同自己挨麥記嘅女人》拍成短片，上載短短兩日，已經有逾3萬個點擊，逾1萬人讚好。

　　不少潮文都反映港男對港女的價值觀，同樣以食物作為題材的，最為人熟悉的當然是男人的浪漫，豆腐火腩飯。今次潮文的男主角和朋友大談擇偶條件，有人講樣講身材，男主角就問「你條女會唔會同去食M記先」，及後再講和已成過去女友的食飯經驗，帶女友去茶餐廳，卻被女友回「我覺得食餐飯每人三百零蚊好基本」。最後，男主角山窮水盡時，找到一個主動拉佢食麥記的女仔，認為她「娶得過」。

　　不少網友睇完都表示：「好滾動」(好感動)，「0121chichi」則認為唯一的敗點是男主角喊唔出。「Conrad」更替作者寫後續故事，他認為故事主角好快會結婚，在麥記搞婚禮，翌日就會去何文田申請公屋，之後就儲多幾錢，還返間公屋就仲有居屋抽。

　　「dante5046」認為作者真正想表達的是，「有個女人肯在你最低潮的時候，甘願在你身邊陪你同支持你」，因此，不少網友都認為「鹹魚白菜也好好味」，「samsam」高唱鄭伊健名曲《一個為你甘去渡火海的人》，他認為如果男你有如歌詞一樣的決心，就定必能找到「一個甘願和你食麥記的人」；而港女網友「Ange kuok」則表示「如果個男仔唔介意我肥200磅，餐餐同佢食麥記又點話」；「nicotang0509」則認為「好多人可以共患難，唔能夠共富貴」，好多人變得有錢時，就自然變到想搵個更好的對象，她感嘆：「最初陪你食M記既女人，有幾多可以成為陪你行到老既另一半？」

　　麥記的食物不健康，而且不少小店都平過麥記。因此，不少網友均用其他食物代替，有人話茶餐廳、酸辣粉、自己煮飯等，有趣的是，不少網友都寧願加多幾蚊，改為「我一生都只想尋找一個陪我食譚仔的人」。「劉廣達」說「現實是，依家一個麥記餐仲貴過一盒燒味飯」，麥記在你山窮水盡時，其實都好貴。

一生只想尋找一個肯挨麥記的女人:

 《經濟通》所刊的署名及／或不署名文章，相關內容屬作者個人意見，並不代表《經濟通》立場，《經濟通》所扮演的角色是提供一個自由言論平台。

想要獨家投資理財Tips？即Like etnet 全新Facebook專頁► 立即讚好