剛剛履新的美國駐港總領事夏千福最近努力融入香港的生活，早前參觀了茶具文物館和洪聖古廟，感受香港的道地文化。他昨日(7日)，於美國駐港總領事館的社交網站專頁，上載了一幅去金鳳茶餐廳嘆奶茶、雞批和蛋撻的照片，更問各網友的意見，看看下次去邊食乜好。

 

(轉載自U.S. Consulate General Hong Kong and Macau的Facebook)

 

　　不過在這幅照片，夏千福就不夠後面的三位茶客來得搶鏡。「Frenda」認為「後面幾個人的表情都幾『頂癮』」，有網友覺得他們目無表情，無乜精神的面貌就已充份反映香港人的精神面貌。

 

　　本土文化方面，網友建議他可以感受下香港的示威文化、上水「淪陷」的情況；農曆七月又就到，「Leung Tak Man」就建議「飲飲食食幾時都得，就嚟7月14，去睇盂蘭節神功大戲啦，差不多區區都有得睇！錯過咗要等下年!」

 

　　至於食方面，網友們建議他去掃街、去深水埗明哥度食飯之餘，再買待用飯券轉贈有需要有人、去冰室飲紅豆冰、食沙嗲牛肉麵、食被網友捧為「男人的浪漫」的豆腐火腩飯，當然還有特色小食雞蛋仔、煎釀三寶、魚蛋(一定要用竹籤篤住食先有風味)、碗仔翅、龍鬚糖、叮叮糖、大腸和臭豆腐等等。更有網友建議他上「高登」，等「巴打」「賜酒」。另外，「Lunyeah」提議去澳洲牛奶公司，感受「香港速度」，不過他擔心「夏坐超過15分鐘，就會被人『問候』，可能會引發新一輪的外交風波」。

 

網友促「明將外交」

 

　　不過，以上的建議都不敵劣食代表之一的「明將」壽司，不過網友紛紛建議夏千福要挑戰，還要食齊紅豆軍艦、粟米壽司、青花魚壽司、鹹魚壽司和梅菜扣肉壽司，「Chan Too」更表示「平身不入明將門，自稱食家也枉然」。

 

　　國際關係研究學者沈旭暉教授亦於其社交網站表示：「如果你(夏千福)真係去埋明將，就真係畀個Like你」，「Andy」笑說「後果嚴重過放走斯諾登」。不過，「Shan」認為「美國人食壽司，食醬汁多過食鮮味」，可能食完之後，他會想傾個特許經營權，在外國開分店，有網言笑言這是「明將外交」。

 

 

 《經濟通》所刊的署名及／或不署名文章，相關內容屬作者個人意見，並不代表《經濟通》立場，《經濟通》所扮演的角色是提供一個自由言論平台。

• 

夏日中暑高風險！即睇中暑迷思＋預防措施！► 立即了解