宵夜食譜迎開波

　　其實我戒咗宵夜好耐，因為對身體真係唔係太好，而且好易致肥，但係我近來都開始搵緊一些宵夜食譜。因為今屆世界杯開波時間真係太差了，凌晨12點至早上6點開波（亦有一場在早上9點），我唔準備定大量宵夜食譜，點頂住睇成個月波？

美食當前，但球迷們記住要節制！

　　暫時我嘅餐單係有三大種類，包括係有自私類、益朋友類，同埋補鑊類。

　　就咁聽，你當然聽唔明，其實「自私類」就係獨食宵夜，好似牛扒呀、大蝦、Steak De Tartar，心太軟等等，呢類只係畀我自己一個慢慢享受，唔會同人分享。

　　「益朋友類」就係當一大班人睇波時，同朋友一齊食嘅，好似煙三文魚多士、墨西哥脆餅、芝士年糕等等。一口一件，不停咁食，諗起就開心！

　　最後「補鑊類」係補救番睇咗咁多晚波對身體健康帶來嘅傷害，我會整五青汁、草莓淮山、甚至煲涼茶。唔錫住自己，點睇到咁多場波呀！？

轉載自晴報

 《經濟通》所刊的署名及／或不署名文章，相關內容屬作者個人意見，並不代表《經濟通》立場，《經濟通》所扮演的角色是提供一個自由言論平台。

【etnet 30周年】多重慶祝活動一浪接一浪，好禮連環賞！ ► 即睇詳情