不做Glory Hunter

　　早前得到英超球會新特蘭邀請，去到他們的球會交流，所見所聞令我畢生難忘。而且佢哋嘅國際足球訓練總監Mr.Robinson講的一句說話，也令我對球迷和足球有新想法。他說：「球員上場是追求光榮，球迷支持球隊亦是因有光榮感。」

參觀新特蘭球場更衣室。

　　我聽畢後反問：「新特蘭和大埔同樣成績好差（當時新特蘭位於英超榜尾），如果球迷只講光榮，咁成績差時，佢地咪會走晒？」

　　Mr.Robinson笑笑口回應：「光榮感是來自球隊有沒有尊重球迷，就算輸了賽事，只要球隊已盡全力，唔單止你嘅球迷，連敵對球迷都會尊重你，這份尊重就是光榮感。」

　　好多人話邊隊強就支持邊隊，我認同強隊的爭勝心是十分吸引，但我更欣賞屢敗屢戰的球隊。

　　就如之前八年無冠的阿仙奴，於今季足總杯決賽早段落後侯城兩球下，沒有放棄，全力比賽，最終於加時反勝3︰2，成功破錦標荒，我覺得這份鬥志是最吸引！

轉載自晴報

 《經濟通》所刊的署名及／或不署名文章，相關內容屬作者個人意見，並不代表《經濟通》立場，《經濟通》所扮演的角色是提供一個自由言論平台。

【你點睇】港府本年度已錄逾2千億元赤字，有議員指或難符基本法力求收支平衡之規定。你認為當局應如何解決財政問題？► 立即投票