十九大全城關注 《經濟通》貼身直擊

　　全球關注的中共十九大聽日將喺北京召開，今次會議不單只決定新一屆中共最高層嘅政治局常委人事布局、中共黨章修改，仲會為中國未來五年甚至二、三十年嘅發展藍圖定下大綱。

　　中共十九大聽日9點喺北京人民大會堂開幕。中共十九大新聞發言人庹震今日喺新聞發布會上表示，十九大會期會由18號去到24號。庹震同時宣布，預備會議通過劉雲山為大會秘書長。

首場新聞發言人新聞發布會今日下晝4：30已經喺人民大會堂舉行，我哋嘅記者當然要同大家現場直擊啦！

　　根據十九大預備會議，大會嘅議程係：「聽取和審查十八屆中央委員會的報告；審查十八屆中央紀律檢查委員會的工作報告；審議通過《中國共產黨章程（修正案）》；選舉十九屆中央委員會；選舉十九屆中央紀律檢查委員會。」

　　其實，我哋《經濟通》之前已經推出咗「十九大前瞻系列專訪」，梳理會議大熱焦點，多角度展望貨幣政策、增長前景、人幣走勢、樓市動向。而家Jenny嘅同事已經上京聯同駐京同事，組成「十九大採訪組」，每日於北京十九大會議現場直擊採訪，為大家帶來第一手的會議資訊、政經風向。

　　會議期間，中港聯動，《經濟通》將密切關注國策動向對資本市場嘅影響，挖掘新興十九大概念股，助讀者尋寶投資先機！

預備會議後的人民大會堂對開空地。

 《經濟通》所刊的署名及／或不署名文章，相關內容屬作者個人意見，並不代表《經濟通》立場，《經濟通》所扮演的角色是提供一個自由言論平台。

【與拍賣官看藝術】畢加索的市場潛能有多強？亞洲收藏家如何從新角度鑑賞？► 即睇