2016-05-17
簡約婚禮 慳足$40000
【晴報專訊】辦婚禮可以豐儉由人。有新人選自拍套餐,百張婚照只需500元。亦有新娘上網買二手物資,節省3、4,000元,物資更免費「相傳」。婚禮統籌指近年吹簡約風,新人善用舊物及精明揀套餐,慳得一蚊得一蚊。
去年有調查指,新人結婚平均開支約31萬元。想辦一場體面婚禮,要慳錢並非無計。去年成立的婚紗主題自拍館「Selfie Wedding Studio」,負責人朱麗君指,眼見「Selfie」成熱潮,於是推出婚照自拍服務。新人可在自拍館任選逾百套婚紗、禮服,拍攝兩小時,「埋單」僅500元。
「相片casual帶玩味」
朱說:「曾有新人笑說『租套婚紗都唔止500蚊』,而且可即日取檔案相,外出製作相簿、油畫都係千多元,比起花4、5,000元請freelancer影相,平一大截。」她指每月約有80至100人光顧,當中四成人會當婚照用,「覺得casual啲,相片也帶玩味」。
籌辦婚禮還要買大堆物資,80後黃小姐就透過討論區及fb二手婚禮物資專區「入貨」,部分低至三折至半價租售,為她慳數千元。她又以200元租了婚紗、晚裝及婚紗鞋,去旅行時請朋友代拍照,另在淘寶製相簿,一輯婚照僅1,000元。
黃小姐在婚後將自置的物資免費借給兩位朋友,朋友婚後亦「合併」剩餘物資,讓大堆二手物滾存下來,在朋友圈中「代代相傳」。「例如花球、茶具及布置玻璃樽等,大家不介意循環再用,慳番唔少錢」。婚禮統籌公司C&S Wedding東主Cherry指,過去替新人辦婚禮,見許多物資用一次便被棄掉很可惜,於是收集這些物資,轉以每件出租收5至20元平價出租。
摒棄用舊嘢好醜心態
網絡發達可讓新人多了選擇。香港婚禮管理協會副會長張仲瑜說,近年婚禮興簡約,酒席成首要削減項目。而傳統概念婚禮用全新物資,現時新人多抱開放態度。「以前覺得用舊嘢好醜或好貪心,現時多了fb、討論區及apps等二手物資租借平台,sharing意識提升,反而認為是精明選擇!」
轉載自: 晴報
《說說心理話》【奧運劍擊熱】大師兄張小倫親身分享!贏在起跑線=壓力?如何培育子女有卓越成就?► 即睇