Hi and Bye派對

　　我嘅巴西之旅都仲未過到一半，但已開始目送一支又一支球隊返屋企，世界杯就喺一個Hi and Bye嘅party，今次最早走嘅竟然係西班牙同英格蘭，兩支來自全世界最受歡迎聯賽嘅球隊，分別都出現咗食滯咗嘅情況，戰意真係唔係幾夠，相比起一啲無乜人留意嘅弱隊例如哥斯達黎加，伊朗及波斯尼亞，雖然名不見經傳，但就踢出咗佢哋生涯嘅代表作，咁嘅態度先對得住世界杯呢個牌匾㗎嘛！

 

 

世界杯party梗係多嘢食，呢餐我哋食蠔。

 

　　在此講下點睇幾支大熱分子：

 

　　巴西：好少見防守強過進攻嘅巴西，今次見識到。唔易輸，但係進攻太過自由派，畀好多空間尼馬，而佢響國家隊確係比巴塞隆拿高一班波，不過無可能場場靠佢，一定要有二號人物好似足球小將嘅泰萊殺出，否則再遇一心守你好似墨西哥咁嘅球隊的話，互射十二碼嘅壓力將會響晒東道主。

 

　　荷蘭：要打七場先攞到世界杯，佢哋首場抱住復仇打殘咗西班牙，對呢隊不嬲唔係幾團結嘅橙軍嚟講係一支強心劑，當fit鬥攻佢哋可以贏到任何一隊，進入16強後佢哋會遇強愈強，但遇著低一線球隊反而可能會唔小心跌倒，原因係輕敵！

 

　　德國：永不大意嘅球隊，如果鬥唔犯錯，每屆都喺冠軍，但入波模式太單調，萬一不慎落後，好易畀對手捉路死守到完場。

 

　　意大利：最有味道球隊，永無熱門壓力喺佢哋著數之處，應該仲會有一兩場代表作，不過決賽無咁易，因為老人家跑馬拉松通常旨在完成，我想像到35歲嘅派路成日響場邊飲水個樣。

 

轉載自晴報

 

 

 《經濟通》所刊的署名及／或不署名文章，相關內容屬作者個人意見，並不代表《經濟通》立場，《經濟通》所扮演的角色是提供一個自由言論平台。

• 

想要獨家投資理財Tips？即Like etnet 全新Facebook專頁► 立即讚好