【紅酒入饌】紅酒滋補美顏兼抗氧化，燜牛肋條更助鐵質吸收

　　相信大家經常都會蘿蔔燜牛肋條來吃，只要加些柱侯醬去燜，醬汁濃烈的味道已入曬在肉內，但由於味道太濃，有時食完都會覺得口渴。今次點解會改用紅酒去燜？原因係剛開左枝紅酒飲唔曬，倒左佢又覺得浪費，雪櫃又巧合地有半罐茄膏用淨，其他配料如香茸、洋蔥、西芹及甘筍都齊備，只欠牛肉濃湯買埋就可以開工。提起牛肉清湯，超市都有其他品牌濃湯粒售賣，如果唔想抽咁重的湯回家，可以買濃湯粒自行開清水便可以。

 

　　紅酒有滋補、美顏、助消化及抗氧化作用，另外對於預防心血管疾病有極好的作用，有助於防動脈硬化和年輕患上老性痴呆症等疾病，還具減少骨質疏鬆的功效。

 

　　所以，不定時用紅酒入撰，對健康有幫助，配合牛肉去煮，加強鐵質吸收。

 

紅酒燴牛肋條

 

 

烹煮時間：10分鐘

份量：3-4人

 

 

材料：

牛肋條    1000 克

紅酒      1/2 枝

牛肉清湯/牛肉濃湯粒  500 毫升

洋蔥       1個

甘筍       2條

西芹       3條

月桂葉     3片

百里香草   1茶匙

黑椒碎     1茶匙

茄膏       2湯匙

麵粉       3湯匙

 

調味料：

鹽        1茶匙

 

做法：

　　1. 牛肋條沖洗，切件，瀝乾。

 

 

　　2. 洋蔥、甘筍及西芹去衣及皮，沖洗，切粒。

 

 

　　3. 牛肋條抹乾，表面撒上適量麵粉，放入鑊內煎至兩面金黃色，盛起。

 

 

　　4. 燒熱鑊落少許油，加入洋蔥、甘筍及西芹爆香，加入茄膏及牛肋條炒勻，最後加入牛肉湯、紅酒、月桂葉及香草，中慢火燜煮60分鐘至霖，加入適量鹽調味，即成。

 

 

小貼士：

 

　　如果用牛肉濃湯粒，請自行另加入500毫升熱水去做牛肉湯。 

 

 

 《經濟通》所刊的署名及／或不署名文章，相關內容屬作者個人意見，並不代表《經濟通》立場，《經濟通》所扮演的角色是提供一個自由言論平台。

• 

【etnet 30周年】多重慶祝活動一浪接一浪，好禮連環賞！ ► 即睇詳情