什菌忌廉長通粉

 

 

　　我家的廚櫃裏面總會集齊各式粉麵。每次去到超市入貨見到有通粉、意粉、螺絲粉、米線、米粉、即食麵都會第一時間選購，間中見到有長通粉特價都會買回家。但是每次打開櫃都總是見到長通粉還在? 原因係工人姐姐唔知點煮長通粉好? 所以，我就教她用白汁來炒長通粉，唔使成日都係食肉醬意粉獨沽一味 ! 

 

　　菇菌類營養豐富，常吃可以增強身體免疫能力，配上不太味濃的白汁，突出菇菌的原味。

 

烹煮時間:  10分鐘

 

份量: 2人份量

 

材料:

 

 

　　雞脾菇 150克、木菇 150克、磨菇 4-6粒、洋蔥 1/2個、長通粉 200克、白酒 2湯匙、番茜 適量(隨意)、芝士粉 適量(隨意)

 

白汁材料: (1份)

 

　　牛油 15克、麵粉 15克、清雞湯 120克、牛奶 100克

 

白汁做法:　

 

 

　　牛油放在鑊內以慢火煮溶，加入麵粉略炒成麵撈，然後慢慢加入雞湯，用手動蛋拂將麵糊攪至沒有粉粒，最後注入牛奶及煮滾至濃稠適中即成白汁。

 

調味料:

 

　　幼鹽 1/2茶匙、黑椒碎 少許(隨意)、白汁 1份、清水 3湯匙、淡忌廉 4湯匙

 

做法: 

 

 

　　1. 長通粉放入滾水中煮10-14分鐘至熟，瀝乾備用。(按包裝指示)

 

　　2. 磨菇、雞脾菇切片，連同木菇略沖洗，瀝乾或抹乾。

 

　　3. 洋蔥去衣，沖洗後切幼粒。

 

　　4. 燒熱鑊，落橄欖油1湯匙，加入洋蔥爆香，然後加入什菌及白酒炒2分鐘，加入長通粉及調味料炒勻上碟。灑上番茜及芝士粉即可享用。

 

韋太小貼士:

 

　　什菌款式可以隨意配搭。

 

 

 《經濟通》所刊的署名及／或不署名文章，相關內容屬作者個人意見，並不代表《經濟通》立場，《經濟通》所扮演的角色是提供一個自由言論平台。

• 

《說說心理話》身體唔舒服查唔到原因？周身痠痛疲累？可能係患有心身症！點解原生家庭會長時間影響一個人？點樣脫離循環？► 即睇