2014-10-27

素食商機無限

　　一連七日Go Green 素食節完滿結束，期間多位名人落場掃貨，包括麥玲玲師傅、星級素媽唐寧、法國藍帶名廚左字、少年食神Michael、電視主播陳貝兒、「Head姐」江美儀、金牌司儀李浩林等，連日來人流不絕，營業額達到預期目標，筆者及Green Monday一眾同事皆非常開心。

　　Green Monday決定舉辨Go Green 素食節之前，有不少人懷疑這個活動會否「拍烏蠅」，到底素料、健康食材等有無市場呢？筆者認為，市場可以由顧客主導，環保亦不例外，例如近年素菜選擇愈見豐富、有部份食肆甚至設有獨立Green Menu、素菜館如雨後春筍般林立，可見當大家有意識要Go Green，要食得健康，市場就會亦步亦趨，有求就有供。

　　香港素食氣候已成，如今愈來愈多人追求健康生活，真正識飲識食。今次營業額達到預期目標，證明素食這門商機潛力無限，只是以前「禾稈冚珍珠」，市場尚待開發而已。不少朋友向筆者反映，以前想買素料就要四出張羅，是次活動集齊多間商戶，連Head姐都話「素」貨方便多了。最近兩年坊間不斷湧現類近活動，例如Raw Food Festival、香港素食嘉年華等，明年二月更有首屆亞洲素食展，足見Green Market呢個「餅」可以愈做愈大，Go Green實力不容小覷！