2014-09-08

素友必到全港首間素食超市

　　引頸多年，香港終於有素食超級市場！今年年初甘薯葉Batata Greens開幕，座落於葵涌工廈，獨佔全層，老闆王世豪（Gordon）屬資深素友，自十五歲起食素，至今近廿年，非常了解素友口味。

　　甘薯葉入貨追貼素食潮流，定期補充熱賣貨品之餘，又不時搜羅各地新貨，力求平衡精選與新鮮感。Gordon全家吃素，包括Gordon太太和兩個小孩，連太太胎中BB也是胎裏素，一家五口真人示範，證明素食不分性別、不分年紀。店內超過八成素料，皆由Gordon親嚐、甚至全家總動員試食之後，才入貨出售，務求令客人食得安心，可謂良心生意。

　　Gordon剛開始食素時，只有十五歲，當時香港素食風氣未成，社會對素食有不少誤解，更少有青少年食素。當時Gordon不少親友人不能理解，甚至會被朋友嘲笑。這種經驗，筆者也曾遇過，身同感受。筆者自廿幾歲開始食素，當時親友都以為筆者受到重大打擊，甚至有人以為筆者失戀，叫人哭笑不得。其實，食素有好多理由，宗教只是其中之一，現時好多人為健康、為環保、為動物而食素。得各方落力宣揚，自數年前開始，香港吹起一股素食之風，Go Green甚至成為潮流指標，今時今日，真係唔Green就out啦。

　　就如Gordon所講，食素自利、利他，一人食素，各方受益：自己更健康、少用地球資源。有Gordon等有心人為素食、環保和地球出一分力，將來不止Green Monday，甚至有望Green Daily！