時代唔同，一份工、一個行業未必做到老，現在甚至一份工都要打散嚟做。工作並不是人生的全部，創業追夢、工作假期等機會湧現，令公司請人難上加難。兼職工更順勢大行其道，但做Part-time前，其實有幾件事要問問自己︰

 

1/ 點解想做Part-time？

 

　　「知道自己做緊咩」是十分重要的。為錢、為興趣、為前途也好，每做一件事都必然有個動機，開始一份新工尤其是兼職，事前最好列出一籃子因素，再按先後次序排列，幫助自己作出最佳選擇。

 

2/ 點解想揀而家做Part-time？

 

　　不同時期的兼職都有唔同意義。學生年代會希望有多個錢傍身；大學時期可能為交學費、儲經驗。總之，打份兼職應該要有一個比「為攝時間」更好的理由。

 

3/ 做Part-time所追求嘅目標係咩？

 

　　除考慮動機以外，還須了解個人的實際情況（即人生規劃呀），認真諗諗做兼職可為你帶來甚麼，例如為日後事業鋪路、豐富人生經驗、滿足個人興趣等等。

 

4/ 你最想做邊類型嘅Part-time？

 

　　與Full-time不同，市場上的兼職工種一般都「窄窄地」，選擇不多。求職者應視乎個人專長、興趣、職業發展路向等再作決定，以免日後頻頻轉工又轉行。

 

5/ 如果有Part-time做，你會點安排時間？

 

　　若已下定決心做兼職，即代表閣下將會有更多工餘時間。此時此刻，Time Management就是關鍵：你會利用兼職以外的時間去進修、做「散打王」同時身兼幾份職、還是用幾秒時間多買一隻錶呢？

 

6/ 身邊人點睇你做Part-time？

 

　　雖然搵工、返工、辭工是一件非常個人的事，但總要對家人朋友有個交代。返Part-time者的人工收入或會與一般打工仔有所不同，可能對屋企經濟有影響，建議事前最好讓家人甚至朋友做好心理準備。

 

Source: ctgoodjobs.hk

• 

樂本健【年度感謝祭】維柏健及natural Factors全線2件7折► 了解詳情