「Experience never gets old」，電影《見習冇限耆》話我地知經驗是永不過時的履歷，薑還是愈老愈辣。職場上，有些東西我們以為好「娘」唔夠潮，但原來老套才是經典。要不然，就沒有復古了。

 

　　劇情講述一位喪妻的70歲長者Ben，嫌退休生活未夠充實，於是希望重投工作，毅然應徵Jules創辦的潮流網站當高齡實習生，成為「史上最老的Intern」。

 

　　從超齡Intern佬Ben身上，打工仔可學到以下5大職場無限期生存法則︰

 

1/ 樣樣都做

　　作為Intern新丁，Ben初報到隨即「融入家中」，不但唔介意幫老細洗衫、做司機、派信執枱買咖啡，甚至幫手湊女兼做埋婚姻輔導員。最後更成功與年輕同事打成一片，全因他視每項工作為己任，盡心盡力完成任務。

 

　　其實呢：每個Job不論大小，都是一種經驗的累積，由低做起反而能令自己成長得更快。

 

2/ 將心比心

　　Jules具備商業頭腦，加上職場交際手腕了得，短短18個月生意已上軌道。但同時間，公司急速發展卻令員工大吃不消，正醞釀內部危機。Ben從中擔當中介人角色，透過團隊合作成功替Jules處理母親的「電郵危機」，從而拉近彼此距離。

 

　　其實呢：當知道並嘗試諒解上司、下屬及同事的處境，自然就能減少心中抱怨。

 

3/ 互相學習

　　別以為對住Intern仔只是「有份教無份學」。作為一個工作狂，Jules 經常廢寢忘餐，更要Ben兼任司機管接管送。其後二人慢慢建立亦師亦友的關係，Jules更從Ben口中得知他擁有逾40年豐富的工作經驗，並曾身居副總裁之位。

 

　　其實呢：三人行必有我師，Intern與否，每個人都總有值得別人學習的地方。

 

4/ 謙虛、忌擺款

　　儘管是前輩級人馬，Ben重返職場後依然保持態度謙厚，在辦公室內任勞任怨，待人彬彬有禮。然而，打工日子久了，我們又有否如新人般「唔該前唔該後」，願意虛心向其他同事請教？

 

　　其實呢：上至高層、下至薯仔也好，時刻保持虛心受教的態度，自必然可獲得更多。

 

5/ 先顧第一個家

　　職場女性地位逐漸提升，Jules的女強人角色成了不少事業女的現實寫照。事業成功的背後，卻往往犧牲了寶貴的家庭生活。Ben從中教曉Jules放鬆自己，替她尋回生活與工作平衡，令事業愛情兩得意。

 

　　其實呢：先齊家後治國，處理好家庭事，才能安然無憂在職場發奮向上，達致真正的Work-life balance。

 

Source: ctgoodjobs.hk

• 

【與拍賣官看藝術】東南亞藝術市場是下一個熱點？一探各地獨特及吸引之處！► 即睇