張智霖與袁靚靚打賭，得視帝靚靚請食飯，失落視帝張智霖送鑽石鈪，擺明是不平等條約卻反映夫妻恩愛，兩人結婚十多年，兒子已七歲，仍有打賭的情趣，明知注碼搵笨做老公的無異議，典型的愛妻號。

　　頒獎禮完畢，張智霖上保母車趕往與靚靚宵夜，記者問：豈不要輸鑽石鈪，他隨手從身邊拿起愛瑪仕招牌橙色包裝盒，說：早已買了，不論是否得視帝都會送。如得視帝，鑽鈪的名義就由賭注轉為「聖誕禮物」，如今是願賭服輸，雙手奉獻給贏家，當然不見得靚靚不會請老公食飯。

　　夜上揭盅，靚靚心頭好鑽鈪是甚麼款式？一看不得了，是Hermès玫瑰金鑲鑽Kelly系手鈪，約1cm闊，鑲上白碎鑽，手工精細，款式矜貴。我也曾試戴，但一看價錢，咋舌，實在不捨得，光身沒鑲鑽的售價已逾七萬港元，半隻鈪鑲了鑽，價錢可想而知。

　　Chilam當眾替靚靚戴上戰利品，才看到靚靚腕上已有兩隻Hermès的Collier de Chien PM系列玫瑰金鈪，Chilam送的算是升級版，他所付的代價，大可到傳統珠寶行買大大粒鑽石，而非一隻唔識貨會以為係普通K金貨色的品牌手鈪。品味就是從小處滲出來，難得是兩公婆喜好一致。

轉載自晴報

 《經濟通》所刊的署名及／或不署名文章，相關內容屬作者個人意見，並不代表《經濟通》立場，《經濟通》所扮演的角色是提供一個自由言論平台。

【etnet 30周年】多重慶祝活動一浪接一浪，好禮連環賞！ ► 即睇詳情