阿叻就「跪回家」、「死咗去」、「好驚有40點收視」等出位說話解畫，內容娛樂性豐富，角色性格連貫，可供打工仔和演藝人作為守則。「我唯一一個老闆係TVB，只有TVB出糧給我，你叫人唔好睇TVB咪即係要我無得撈？咁我梗同你死過。」（大意）莊閒分明，點出重點。

　　我拍電影，向來都係做下把，畀人鬧、畀人打、搽黑塊面咁，觀眾鍾意睇就得啦，我嘅形象正面負面都無問題，我係演員，今次事件我當係表演。」敬業樂業，有演員操守，不論台上台下都不忘演員本份。

　　「話30點收視捐300萬係隨口嗡，唔係驚，如果無30點咪唔使畀囉，有30點就畀啦，最多咪義做20個騷，點知TVB話畀，係咁㗎啦，員工撑公司，公司咪撑員工囉。」20個騷有300萬元，電視藝員有15萬元一個騷，是高身價的表現，同時表示忠心耿耿，為撑公司願捐300萬元。根據收視報告，台慶收視最高31點，平均29點，吊詭，300萬元捐還是不捐呢？

　　「所有言論都係我隨口嗡，事前無同任何高層商量，唔需要。」猶如幫公司簽免責條款，有鑊他一個人孭晒，義無反顧地護主，呢啲伙計邊度搵。

　　在不少上網睇台慶情況下，收視最高有31點，究竟網民大還是觀眾大？

轉載自晴報

 《經濟通》所刊的署名及／或不署名文章，相關內容屬作者個人意見，並不代表《經濟通》立場，《經濟通》所扮演的角色是提供一個自由言論平台。

【你點睇】工聯會調查指外勞輸入政策影響漸現，多個行業失業比例較高，促暫停輸入外勞，你是否認同？► 立即投票