把業績公布日期推到遲至死線邊緣的，怕且成績表都不會好看得到去哪裏。惟股價生死存亡，即使有美麗故事扶持，最終仍須業績交代，當然，表達能力高、說話動聽的高管，要製造翻炒題材，提升分析員以至投資者印象分，只要巧施雕蟲小技，要捍衞股價不難。

　　儘管市場所見，不少分析員落筆避重就輕，甚至對上市公司老闆的一番吹水，都不假思索兼照單全收，但要從大堆醜爆營運數據中尋亮點，已有如海裏淘沙，稍有催化股價反彈，足以掩蓋醜爆業績。

　　下半年盈利較上半年出現極大落差的上市公司比比皆是，經營與銷售成本下降，未必能帶動銷售收益同步上升，盈利倒退幅度較經營成本減省更嚴重。即使賴市場競爭大，又有哪個市場、哪門生意毫無競爭？某台資食品股早前公布的營業額雖下跌接近12％，銷售成本雖亦減省近13％，盈利跌幅卻竟逾35％，照常理股價應難有運行，惟業績公布後股價卻異常硬淨，圖表走勢狀似圓底收集，難道屬另類遊戲玩法，即是把最醜一面展露人前，博投資者絕望沽貨，誰在順手密密收集，恐怕已不言而喻。

轉載自: 晴報

《說說心理話》身體唔舒服查唔到原因？周身痠痛疲累？可能係患有心身症！點解原生家庭會長時間影響一個人？點樣脫離循環？► 即睇