香港演藝學院｜大型「塞」況喜劇《SUCK樂園》笑到氣咳 SUCK 而復得

活動簡介

達摩工作室 （Dharma Workshop）主辦，MakerVille、MOOV及天下一集團有限公司協辦，年度大型舞台劇《SUCK樂園》，將於今年5月下旬，一連15場假香港演藝學院歌劇院首度公演，嶄新演員組合包括王菀之、江熚生、韋羅莎、白只、楊偉倫及蔡曉童，將會來到這個糖衣包裝的「SUCK樂園」，上演一場又一場現實與幻想的角力。

演員陣容鼎盛    集「皇后」、偶像實力派、偶像派笑匠於一劇

一眾演員江熚生（AK）、韋羅莎（Rosa）、白只、楊偉倫（阿卵）及蔡曉童（童童）今午（7／1）於Hotel ICON出席舞台劇《SUCK樂園》的記者招待會。司儀米媽米露迪率先問到去年開了首個個人演唱會、拍劇又獲得釜山國際影展「年度新星獎」，今年首次參演舞台劇的AK，對新劇有什麼期望，AK笑嘆：「我係零舞台劇經驗，我想喺排戲過程入面好好Enjoy，同咁多位前輩交流，因為以往有幾位兄弟都話排戲好大壓力，希望我可以擺低呢個壓力，好好享受！」
 
Rosa 去年嘗試過很多不同類型的演出，今次重返舞台，跟《Laugh Vacation》舊有班底再做喜劇，坦言好懷念這班搞鬼拍檔：「好似返咗屋企咁！」，笑指自己最大死穴是忍笑，「白只同阿卵永遠都會喺 On stage 嗰陣諗啲新嘢嚟引你笑！

兩位笑匠白只、阿卵再度合體，大膽透露將有突破性演出。白只笑指《SUCK樂園》最塞的是Cityline：「有條Line好塞，就係Cityline，喺度要呼籲大家早啲起身搶飛！」，阿卵即時和應：「希望票房唔塞！」，又指今次最大突破是「唔會除衫，會著好多衫！」
 
白只笑指最期待是可以跟王菀之合作，「我哋好細個嗰陣已經成日同阿之（王菀之）合作，但已經好耐好耐冇再合作過，多謝老闆、導演諗起阿之、我同阿卵，令我哋有機會將我哋荒廢咗嘅劇團借屍還魂，可以再一齊玩！」

童童指自己資歷最淺，今次主力飾演「SUCK豆窿」，希望可以玩得好開心！問到最想跟誰演對手戲，她秒回：「全部人！」，又透露將會有神秘人一起參演其中一幕，一齊渡過那個好塞的Moment！

新生代編導陳小東、阮韻珊聯手炮製   糾纏於現實與幻想的「SUCK樂園」

編導陳小東指當初構思這個故事時，全賴監製朱仲銘的使命感，希望帶多點歡樂予香港人，小東期望觀眾睇完劇可以笑住咁走！問到另一位編導阮韻珊對著這班又癲又好笑的演員，會怎樣「應付」他們？她明言會採用獎罰分明制，「乖嘅演員每次排完戲會有星星貼紙，曳嘅演員唔排除會安排見家長。同埋我哋會選一個班長嚟維持秩序，而我哋已經揀咗阿卵做班長，大家知點解啦？！」逗得全場捧腹大笑！

舞台劇《SUCK樂園》將於1月13日早上11時起，在The Club APP 或網站(www.theclub.com.hk)接受優先訂票，並於1月15日早上11時於Cityline.com公開發售。

故事大綱：

大型「塞」況喜劇《SUCK樂園》

公認最現實嘅香港人，

面對最現實嘅生活問題，

係咪為咗份糧，失活失常？

係咪愈想努力，愈係無力？

係咪條條大路通唔到，柳暗花明又甩碌？

一句講晒：LIFE SUCKS！

但係恭喜你，你有救了！

歡迎所有生活失意SUCK豆窿，

嚟到全港最夢幻、最治癒嘅成人樂園 ──

SUCK樂園！

無論你份人幾KICK、做人幾KAM、生活幾SUCK，

嚟到SUCK樂園，都可以逃避現實，

喺失控嘅過程中搵返自己，

因為瘋狂幻想，就係最好嘅精神食糧！

想搵返初心，請即放下包袱～

一齊笑到氣咳，SUCK而復得！

拾下拾下，過咗大半世

塞下塞下，失去咗一切

導演／編劇： 陳小東、阮韻珊

演員： 王菀之、江熚生、韋羅莎、白只、楊偉倫、蔡曉童

出品人： 古天樂、魯庭暉、徐凱珊、朱仲銘

監製： 朱仲銘