【得罪人唔使本】攻擊型的相：哨牙兼眼利，說話無禁忌！

　　女朋友一向牙尖嘴利，所向披靡。

 

　　疫症時期，竟然去睇樓，而且是四十年舊樓，坐落在舊區。

 

　　那單位是朋友的dream flat，她在那區長大，覺得有親切感，而且奇貨可居，皆因鄰近地鐵、交通方便，這大廈兩年才有一個盤放售，所以非常時期，朋友也踴躍去睇樓。

 

　　大門打開，業主阿伯認真吩咐：

 

　　「呢度地板好貴，你地小心啲行呀。嗱！擦吓門口張地氈先，擦乾淨先入嚟呀。」

 

　　朋友看一看地氈，只覺髒、臭、舊，擦完肯定髒過未刷，入得屋來，她抬頭一看。

 

　　天花板予人縱橫交錯、雜亂無章的感覺。樓底頗高，足十一呎，橫樑頗多，原本有足夠條件做假天花，但這裏的處理幾罕有，一格有、一格冇，極不整齊。

 

　　「點解天花板一忽忽嘅？」朋友問。

 

　　「哦！設計師嘅心思嚟。」業主答。

 

　　經紀打圓場，想轉移視線，說：

 

　　「嗱！地板係荔枝木，靚嘢嚟，好貴㗎！」

 

　　「啲地板好似我啲牙咁，突咗出嚟。啲木又崩又浮起曬，貴木又點呀？棺木我都唔要啦。」朋友開火。

 

　　大家收工。

 

　　我這女朋友，長髮披肩，本來豐姿妸娜，偏偏就口沒遮攔。「得罪人唔使本」。這在相學上，是有迹可尋的，主要是眼神露和牙露。

 

　　一. 眼神露：露是指喜怒形於色，心中感覺全寫在臉上、眼中。她完全不會控制自己的情緒，或修飾自己的表達方式。

 

　二. 哨牙：

 

　　a/喜歡說話：有一次她忽然來找我，我正在寫稿，她由入門開始，就不停講話，我迫不得已說：

 

　　「你半小時未停過咀，可唔可以靜默十分鐘，等我寫埋篇文。」她答應了，誰料一分鐘後就大叫：「好辛苦呀！唔食嘢可以，唔講嘢唔得！」

 

　　ｂ/夠固執：她做事從來都一意孤行、不顧一切，想做就去做。

 

　　c/喜歡控制一個人或一個場面，容易為人出頭，或做「駕倆」。有一次我們同行，一個粗魯男子大力撞我，她即推我到一邊說：「行開，等我收拾佢。」

 

　　d/夠權威：「牙刷刷」，認為自己天下第一。

 

　　這朋友，可以有義氣，也可以煩氣，但肯定霸氣。

 

 

 《經濟通》所刊的署名及／或不署名文章，相關內容屬作者個人意見，並不代表《經濟通》立場，《經濟通》所扮演的角色是提供一個自由言論平台。

• 

樂本健【雙11感謝祭】雙重優惠、多買多賞► 了解詳情