2018-02-05
【對女性不利?!】超級藍血月的啓示
超級藍血月真像一齣浪漫懸疑驚慄片的片名。
普通人可能認為好浪漫,一百五十多年才一次,唔睇就走寶;但玄學中人就覺得幾驚慄,認真spooky!
首先解釋一下這幾個「奇逢」的元素:
超級,因為月球離地球最近,滿月特別大。
藍,因為一個月內出現兩次滿月,英文都話once in a blue moon啦,你話幾咁罕有吖!
血月,因為月全食,大氣層把大部分藍光散射,月亮變為血紅色。
上周出現了這「個半世紀一遇」的奇景,本來滿月當空,七時許開始初虧,慢慢變成食甚,而月亮的顏色亦由雪白轉為血紅,詭異而妖媚。
凡月蝕日蝕,皆非吉兆,月食特別影響女性;日食則不利男性。記得有一年月全蝕,鄧麗君香消玉殞,另一次是戴安娜王妃魂斷巴黎。鄧麗君當時紅遍亞洲;戴安娜則贏得普世愛戴,二人皆是世紀傳奇。落到平民百姓的層面,這一陣子大家宜多照顧家中女性的感受,避免引起情緒波動。
至於日全食,太陽主男,特別影響男性。認識一位充滿矛盾的書生,他通曉天文地理,最愛追尋浪漫,心想瀟灑,實要搵食,所以認為最灑脫的事便是去觀看日全食,於是有一年去了北歐,親睹奇景,誰料回來是升了級,但公司政治煩、工作壓力大,身體又積弱,結果抑鬱心跳氣喘,不知是否與日食有關呢?
再回到超級藍月這題目,好意先生飛app傳書,說這預兆天災人禍,計有巴基斯坦地震和新西蘭出現百年一遇暴風水災。至於對本港的影響,他明言特首名字中的月字與娥字磁場感應有問題,可能棘手事情繼續有來。我認為她身為這噴火廚房的主廚,食材就係呢D咧,煮出嚟樣樣都有人唔收貨,我覺得佢都係捱緊義氣,就問好意先生有何錦囊,他說著衫多D紅色、面上多D笑容、處事盡量客觀善巧啦!
星宿運行,自有玄機。我們在人間除了仰望星空,還要腳踏實地。
《經濟通》所刊的署名及/或不署名文章,相關內容屬作者個人意見,並不代表《經濟通》立場,《經濟通》所扮演的角色是提供一個自由言論平台。
【你點睇】工聯會調查指外勞輸入政策影響漸現,多個行業失業比例較高,促暫停輸入外勞,你是否認同?► 立即投票