【江湖上的傳說】鬼節禁忌 你要知

　　孟蘭節（俗稱鬼節）有別於西方萬聖節的曄鬼狂歡，是真帶點危險意味的，因為這段期間，幽冥眾生可能「跨界」自由行，而且我們陽人不大懂陰界的etiquette（禮儀），因而被「陰」了！

 

　　江湖上傳說眾多，但根據本人及相熟「巫族」朋友的耳聞目見，以下規矩有料到。

 

 

（1） 在路上見到祭品、紙錢，不要踢

 

　　有朋友到維園踢完波，看見路上的鬼節果品，伴著金銀衣紙的餘燼，一時童心大發，發揮未盡的波興，將生果糕點當波踢，結果霉了半年！

 

　　你未必信祭品真有鬼吃，但有一宗真人真事，可供參考。

 

　　另一朋友到道場做義工，法事期間吃午飯，道場亞嬸細細聲同佢講：

 

　　「唔好食嗰碟木瓜花生，我尋日睇見好多眾生，爭食壇上嘅木瓜，推跌咗好多落地下。」

 

　　義工去問大㕑，D木瓜邊度嚟嘅。

 

　　「我喺神壇前面地下執到嘅。唔好嘥吖嘛。」

 

　　不過我朋友照食，故事祇說明鬼係會食祭品嘅。

 

（2） 不要拾街上的紙幣或零錢

 

　　我這位義工朋友還告訴我，從前在鬼節期間，有人會拋五仙輔幣在街上，尤其是麻雀館，或偏偏地嘅行業，目的是「賄賂」遊魂，請他們為自己「拉客」。時至今日，五仙已升呢至五元，其實花一千蚊已經可以幾豪。

 

（3） 不要亂嗡

 

　　有朋友見人在農曆七月十四燒紙錢，口痕痕講：「燒乜鬼啫，多餘嘅。」

 

　　結果肚痛咗三日，無緣無故。

 

（4） 忌全黑

 

　　這期間出外夜蒲，切忌全身黑色，因為陰氣重，要有一點黃或紅，添點陽氣。否則輕則容易被整蠱，重則可能上身，世界已經咁擠迫，無謂二人同一體，迫過劏房！

 

　　其實以上有些禁忌，都係推人及鬼啫，例如人地就嚟有大餐食、或食緊大餐，你點解要攪人啫？唔係，攪鬼至真！

 

 

 《經濟通》所刊的署名及／或不署名文章，相關內容屬作者個人意見，並不代表《經濟通》立場，《經濟通》所扮演的角色是提供一個自由言論平台。

• 

【你點睇】港府本年度已錄逾2千億元赤字，有議員指或難符基本法力求收支平衡之規定。你認為當局應如何解決財政問題？► 立即投票