今年出行：要揀方向，不是揀幣值！

　　時局立立亂，人人心慌慌。

 

　　人民幣無情情貶了4、5%，燒著了許多人的身家財產。好意先生估計人仔暫時企穩。中長線再落，論據在風水五行中。

 

 

　　「明年二黑入中官，中代表中央，二黑是病符，中央可能有爭拗、權鬥，施政不順暢，高層不齊心等問題，相信亦不利經濟，更不利人民幣的穩定。」

 

　　身家縮水，仍有大把人外遊，好意先生去年已提示今年旅行，宜避開中國的東南方，即韓國、台灣、日本，因這是羊年二黑病符所在。台灣那樂園樂極生悲，是禍藏樂中；韓國先有新沙士肆虐，後有軍事衝突危機；日本的日字為火，應多問題。

 

　　由於這些都是港人外遊熱點，叫你地唔去肯定冇人聽。

 

　　至於中國之西，今年有五黃災星飛至，正好涉及伊斯蘭國的活動範圍，他們的絕活是滅絕人性、破壞古蹟、摧毀文明。就算你是仰慕好多千年的文化，都無謂俾人「老笠」吖，不衹一身蟻，隨時唔見左個頭！

 

　　咁去現今西方文明的代表美國哩，好意先生又話唔好。原來今年羊年，美字有羊字頭，也屬不吉，鬥爭由國會演到街上，槍擊之事不絕，山火逾月不息，是明火與怒火之禍。

 

　　大家堅持要遊埠散心，我都理解嘅，但當今爆炸、槍擊、意外頻繁之際，要留意以下事項：

 

　　(一) 旅行要揀方向，不是揀幣值，總之東南方、西方都可能有險，因分別為二黑、五黃等凶位。

 

　　(二) 要買齊保險，據悉爆炸是多數不保的，今年咁hot既危險，竟然冇得claim!又有朋友去遊意大利，被人當街搶了手袋，回來索償，保險經紀對她說:「好在你唔係俾人偷，係俾人搶，因為若果行李喺車中被偷，係你冇看守好你D財物，任何損失都係因你疏忽而引致，佢地唔負責。」你睇！俾人搶仲好彩過俾人偷！

 

　　(三) 最好選resort-一應俱全嗰種，唔駛出去旅遊旺點，費事俾人炸。你都係想休息啫，對著陽光，曬下肚皮咪算囉！

 

　　希望大家無論在港或在外，日日開心，水火不侵！

 

 

 《經濟通》所刊的署名及／或不署名文章，相關內容屬作者個人意見，並不代表《經濟通》立場，《經濟通》所扮演的角色是提供一個自由言論平台。

• 

【etnet 30周年】多重慶祝活動一浪接一浪，好禮連環賞！ ► 即睇詳情