出行歐洲要小心

　　歐元咁平，好多朋友去歐洲掃平貨，個個滿載而歸。但不一定滿心歡喜。

 

　　有三批朋友最近去意大利，大讚好玩好食好風光，但有時亦好激氣!

 

　　第一批自駕遊，甫抵羅馬，一行人分三架車，誰知行李放上車後十五分鐘，即發現其中一車的大喼細喼全部不翼而飛。

 

　　「幸好有買保險!」我的朋友安慰同伴說。

 

　　「嘿!我分分鐘有賺添! 喼內都係舊衫同霉內衣，準備著完即棄，騰出空位裝新衫，今次肯定有著數!」其中一失物主人很豁達地說。

 

　　「我地都係快D走，如果唔係，D賊發現喼內都係垃圾，可能番轉頭捅你兩刀!」我朋友開玩笑說。

 

　　點知在接下來的報案過程，仲谷氣過失去財物!

 

　　他們一共被「點」了去四間警署，冇人受理，一是叫他們去另一區，一是說這科不是他們管的，結果他們向中國使領館求助，才勉強獲一間警署「接收」。但警員還是愛理不愛理的，與同事打夠牙教後，才來招呼他們，又沒有落口供，衹是掉低表格叫他們自己填。如果不是保險公司要報案紀錄，他們早就溜了。不過這也是個獨特的經驗，一來有機會見識意大利人冷漠的一面，二來可以探訪一個普通遊客不準備去的「景點」!

 

 

　　第二批朋友又是與紀律部隊有親密接觸。這次是在旅行的尾站，朋友與其大豪客同伴在米蘭血拼一番之後，在機場退稅部門辦理手續，豪客買了隻AP錶，價值百幾萬，退稅額很可觀，他為了方便，就戴著名錶，拿著單據去有關櫃檯。

 

　　「盒呢?」工作人員問。

 

　　「個盒太大，又有出世紙等等，我將佢寄艙。張收條係呢度，你可以對吓個serial number。」豪客答。

 

　　「我唔理，冇盒冇得傾!」

 

　　原來這位極有堅持的意大利人耳朵特別低，鼻頭又特尖，這種相的人很難纏，耳低代表道德觀念不強，鼻頭尖代表吹毛求疪，這人一眼不屑，應該是看不慣黃皮膚的豪客，有心刁難。我根據朋友的觀察而作此推論。

 

　　至少豪客還可以享受其心愛名錶，我有位朋友仲慘，他回港才發現，本來滿載名牌心愛物的行李箱竟然空空如也，其實也不知是在意大利、杜拜，還是香港被人下手的，真是乘樂而來、敗興而返。

 

　　綜合以上慘況，可汲取以下教訓:

 

　　(一) 自駕遊時應把行李全集中在一架車，然後所有人牛咁眼睇住一架，而非分散注意力看住幾架。

 

　　(二) 一出了事，不要找當地警方，應先找中國使領館。有強國為何不靠?

 

　　(三) 不要將所有戰利品集中在一個行李箱，要分散風險，大喼放D、細喼放D、手提袋放D，以免被人一網打盡!

 

　　(四) 要退稅一定要連盒，不要以為有收據便過關。

 

　　(五) 若有得揀，盡量避免耳朵特低、鼻頭特尖、眼神不友善的工作人員，否則被人無理針對，攪到一肚子氣，又冇仇報！

 

　　去玩都要有策略，否則會被搶掠、或忽略!

 

 

 《經濟通》所刊的署名及／或不署名文章，相關內容屬作者個人意見，並不代表《經濟通》立場，《經濟通》所扮演的角色是提供一個自由言論平台。

• 

《說說心理話》【親子溝通】怪獸家長原來都有呢啲通病！相處有一件事切忌？► 即睇