臭狐當然令狐主及與其有親密接觸者甚為困擾，無論做工、做生意、做朋友、做愛都扣點分。

 

　　有朋友曾經施手術割除腋下汗腺，事後非常後悔，因留下疤痕很難看，而且疤痕還會發炎，令她苦不堪言。但她是十多年前做手術的，近日有新式的醫學美容技術，例如以微波熱能切除汗腺、或於腋下注射肉毒桿菌，減低排汗量。但目前還沒有朋友試過，所以未能作探子回報。

 

 

　　但有朋友的確試過一種天然又便宜的方法，據悉甚為奏效，為了深入了解其用法，一於詳細訪問，打爛沙盆問到篤，以饗讀者：

 

　　「幾有效?」我首先問。

 

　　「好有效，效用維持咗八年。」她答。

 

　　「乜唔係永久性嘅咩?」我問。

 

　　「我前後用咗幾樽醋，加埋先二百幾水，有冇咁便宜o架?」她開始想炳我。

 

　　「哦!收到。咁請問點用呢?」

 

　　「好簡單，用卸粧棉兩塊，蘸醋分別抹在左右腋下，用兩塊是避免左右腋的細菌傳染。」

 

　　「一日幾次?」

 

　　「最少三次，即早、午、晚。最好五次。若在家可以出汗時就用，勤力D有好處。」

 

　　「要買邊種醋呢?」

 

　　「十多年前我買日本米醋，因色澤透明，唔會令腋下皮膚變色。現在翻發，就用有機糙米醋，可以揀淺色D嘅。」

 

　　「貴唔貴?」

 

　　「一樽100蚊有找。」

 

　　「著衫會唔會染到，或者塗咗有酸味?」

 

　　「唔會，醋好快揮發嘅。」她的聲調已反映她嫌我無知!

 

　　「仲有乜嘢要注意呀?」

 

　　「唔好大力，用暴力同輕力功效一樣，太大力擦傷皮膚就無謂啦!」

 

　　據悉醋治臭狐是古方，到目前為止，我識的成功案例只有我這朋友和她的朋友，所以sample非常細。不過橫掂又平又方便又天然，有此問題者試吓無妨喎。得就變香香公主，唔得最多變醋娘子!

 

 

 《經濟通》所刊的署名及／或不署名文章，相關內容屬作者個人意見，並不代表《經濟通》立場，《經濟通》所扮演的角色是提供一個自由言論平台。

• 

【你點睇】烏軍攻入俄國庫爾斯克州近兩周，並炸毀兩座重要橋樑，你認為俄烏戰爭會否急劇惡化？► 立即投票