2014-02-13
吵架的藝術
香港愈來愈悲情瀰漫、群情洶湧,我希望以我微小的力量,彰顯一下正能量。
社會攪撕裂、政黨攪對抗、夫妻也會攪矛盾。
當兩口子的對立愈演愈烈時,女方不是叫對方走,就是自己執野走。
有人妻愛夫情切,在還未與老公吵架之前,深恐有一日相嗌唔好口,自己會憤而出走,於是事先張揚自己會走去邊:
「老公,如果有一日我要走佬,我肯定係去阿麗個度,你記得黎搵我呀,我會掛住你架!」
另一個案,女主角是四川辣妹,夫婦本來恩愛逾恆,但娘子性格火爆,有時也嬲到想把老公趕出街。
「你LAN出去啦!我唔想見到你。」她咆吼道。
「我唔識LAN播!」老公當然唔想走。
「總之你係我眼前消失啦!」
「唔得,你寫封休書比我先啦。」
辣妹一生人最怕寫字,立刻像雞泡魚般游入房。
另一老公更痴纏。
某日靚太打八號風球,叫老公死去第二度。
「我唔會走既。」他堅定地說。
「點先肯走?」
「有一個條件,得我就走。」
「你講,點都得。」
「除非你搵到一個比我更愛你既男人啦。」
「有既有既,你走啦!」
「唔得,我唔相信呢個世界有人比我更愛你,你叫佢出黎,等我評核下先。」
雖然肉麻,但很窩心。
《經濟通》所刊的署名及/或不署名文章,相關內容屬作者個人意見,並不代表《經濟通》立場,《經濟通》所扮演的角色是提供一個自由言論平台。
《說說心理話》【奧運劍擊熱】大師兄張小倫親身分享!贏在起跑線=壓力?如何培育子女有卓越成就?► 即睇