2024-08-27
柳俊江生前女友Grace深夜Po柳俊江自彈自唱影片!唱譚詠麟金曲《一生中最愛》!最尾歌詞超催淚:還盼你懂珍惜自己
TVB前新聞主播柳俊江一月時於其大埔寓所燒炭身亡,終年42歲。其生前女友Grace多個月來都少有提起柳俊江,前晚深夜時突然於IG STORY POST出柳俊江生前片段,令人感到非常心悒。
Grace近日去到台灣工作,未知是否人在異地夜䦨人靜時更多感覺,前夜11點幾佢連續Post出兩個story,story中柳俊江用結他自彈自唱,唱出譚詠麟金曲《一生中最愛》。片段中,柳俊江雖然唔係完全音準,但都係可以表演嘅級數,而且唱得非常有感情,更不時望向揸機嘅Grace,相信Grace當時都非常感動。
然而細味當中歌詞,再配合二人故事,唔多唔少都代入其中,再加上諗到佢哋已經天人永隔,實在催淚,柳俊江唱出如下三段:
如果痴痴的等某日
終於可等到一生中最愛
誰介意你我這段情
每每碰上了意外不清楚未來
何曾願意 我心中所愛
每天要孤單看海
寧願一生都不說話
都不想講假說話欺騙你
留意到你我這段情
你會發覺間隔著一點點距離
無言地愛 我偏不敢說
說一句想跟你一起 Ooh...
如真 如假 如可分身飾演自己
會將心中的溫柔獻出給你唯有的知己
如痴 如醉 還盼你懂珍惜自己
有天即使分離我都想你 我真的想你
柳俊江生前與前妻雷康怡(Florence)育有一子一女,直到2020年時爆出婚姻問題,最終在同年10月宣布離婚,結束夫妻關係。後來柳俊江再遇上Grace,佢曾經多次於社交平台大讚Grace令佢再次打開心扉。之前曾傳出柳俊江係因為同Grace感情生變而尋短,但柳俊江家人親自出面表示已視Grace為親人;然而Grace冇多作回應同解釋,不過連月嚟都多次陪伴柳俊江家人過節同去拜神等,謠言不攻自破。
轉載自: 晴報
【你點睇】教育局最新初中教材提出應堅拒婚前性行為,你認為教材內容是否不合時宜?► 立即投票