2023-02-16
6月預產期採自然分娩 江若琳預告下月歐遊
【晴報專訊】江若琳(Elanne)去年宣布懷孕後,昨日首度出席公開場合。已懷孕五個半月的Elanne腳踏四吋高跟鞋現身,她指現已進入穩定期,相對初孕時的「害喜」反應,現在變得輕鬆自在。Elanne又透露下月到歐洲旅行兩星期,趁BB出世之前盡情享受最後的二人世界。
Elanne昨日穿上4吋高跟鞋現身,但步履仍十分輕盈。
懷孕五個半月的Elanne略見水腫。
江若琳昨日與張達倫父子到尖沙咀出席《Cracking Art「動物來襲」公共藝術展》,預產期為六月的Elanne,自爆懷孕初期孕吐大作,如大閘蟹一樣「嘔白泡」,如今進入穩定期後變得精神奕奕,更肥了六磅。她又透露︰「我揀順產,想復原快啲,亦想體驗下。」至於胎兒性別,她卻保持神秘,「等你哋估下?我照咗結構,老公好緊張呀,係咁問醫生BB係咪所有嘢齊全。」Elanne大爆老公蕭唯展自她懷胎後十分緊張,經常管接管送又斟茶遞水,她笑言十分享受這等女皇級待遇,「以前呢啲嘢係我做,依家調轉晒。」
拒透露BB性別
Elanne和老公情人節到澳門食飯慶祝。(IG圖片)
陀B較初期輕鬆的Elanne,立即四出玩樂,前日情人節便與老公到澳門食飯慶祝。她說︰「我哋想趁BB出嚟之前去多啲旅行,因為做咗父母之後無咁自由,應該幾年都無得飛,我哋下個月飛去英國同法國兩星期。」她又爆老公想為BB改名為C朗或美斯,認真搞笑。另外,Elanne前日在個人網上頻道中透露,初孕期曾「見紅」,幸有驚無險;她又指懷孕後口味大變,每次聞到住家飯便反胃,反而愛吃車仔面和酸辣粉等濃味食品。Elanne又嘲笑老公是「老來得子」,怎料被反擊「老蚌生珠」,但她不怒反哈哈大笑。
轉載自: 晴報
《說說心理話》【奧運劍擊熱】大師兄張小倫親身分享!贏在起跑線=壓力?如何培育子女有卓越成就?► 即睇