2022-08-24
內地節目食豬糧掀熱議 容祖兒︰想養豬好耐
【晴報專訊】樂壇天后容祖兒早前於內地節目《牧野家族》中食豬糧,惹起香港網友熱烈討論。久未在港亮相的祖兒,昨日出席品牌活動,解釋豬糧是由其電飯煲所煮,希望感受寵物生活,更自爆有意養豬。
祖兒直認母親已不會強求她找到男朋友。
容祖兒昨日與魏浚笙(Jeffrey)、倪晨曦等出席時裝品牌開幕活動,近兩年沒有在港現身公開活動的祖兒,被問到在《牧野家族》食豬糧一事,她強調節目主題是回歸大自然︰「豬嘅飼料都係由我嘅電飯煲煮,其實同麥皮差唔多味…好多養貓狗嘅朋友,都會試下佢哋啲糧多唔多味精;而我喺節目嘅任務就係養隻豬仔,同埋我想養豬好耐。(想開農場?)拍節目時開心,又曬黑咗,但開農場太複雜。」
祖兒認為食豬糧無問題。(網上截圖)
呻難脫單慶幸胞弟生性
對於祖兒母親在《牧野家族》中呻女兒單身留有遺憾,祖兒強調不可隨便搵另一半︰「我諗都無乜機會,唔係灰心,好彩我細佬生性有小朋友。(你唔生性?)佢生性就得,我呢方面唔生性。(媽咪催?)佢專心湊B(孫)。」至於可有留意同場的「新一代男神」Jeffrey?祖兒笑說︰「靚仔點會逃得過我法眼?但佢唔係我杯茶,靚仔但係小朋友嚟!」
Jeffrey相信「6膠」拍檔Edan心情OK。
另一邊廂,Jeffrey透露將拍攝電影,戲中更有武打場面,但他笑言拉筋比較難︰「好彩有學過泰拳。(擔心被打傷俊臉?)做演員最重要投入,我好想著西裝打,覺得好有型。」提及ViuTV節目《膠戰SSP》延播,問他可有跟MIRROR成員、「6膠」之一的呂爵安(Edan)聯絡?Jeffrey指他們有互傳短訊,但不清楚對方的心情︰「我唔係心理學家,單憑文字睇唔出喎,但相信佢心情OK。」
腹大便便的倪晨曦大騷長腿,依然明艷照人。
轉載自: 晴報
【你點睇】烏軍攻入俄國庫爾斯克州近兩周,並炸毀兩座重要橋樑,你認為俄烏戰爭會否急劇惡化?► 立即投票