2022-03-03
魏浚笙講有味笑話震驚「6膠」 呂爵安︰我段Vlog出唔到街
【晴報專訊】ViuTV綜藝節目《膠戰S2》早前已播完,「6膠」呂爵安(Edan)、岑珈其、魏浚笙(Jeffrey)、徐浩昌(肥腸)、黃正宜(阿正)及劉沛蘅(Hillary)深受觀眾歡迎。雖然第三季暫開拍無期,但Edan前晚上載拍攝時的花絮,滿足一眾「膠粉」,片中Jeffrey竟爆出三級對話,尺度之大令眾人震驚。
「6膠」因拍攝《膠戰》系列而成為好友。(資料圖片)
呂爵安不時在其YouTube頻道跟「爵屎(Edan粉絲)」分享工作點滴,他前晚上載最新一集《跟我去返工》,分享拍攝《膠戰S2》最後一集時的花絮,期間笑料百出,足見「6膠」的好感情。
Edan(右)笑言Jeffrey是因經常接觸阿正而學壞。(影片截圖)
ERROR感激謝安琪夫妻檔拍MV
片段中,「6膠」一起出發前往拍攝場地,只得魏浚笙未有隨行;及後Jeffrey解釋自己未有跟大隊的原因,卻被Edan踢爆︰「Jeffrey開始講大話喇,你哋有無見佢已經學壞咗?」Edan續解釋︰「我之前出咗個po,話我想做楊過,佢做隻鵰。跟住佢留言『做你隻鵰?』」Jeffrey笑謂︰「你想我係細鵰定大鵰?」此時,身旁的岑珈其對Jeffrey說︰「佢哋話你係細鵰。」Edan連忙代為澄清︰「我見過,唔係!」殊不知Jeffrey突然爆出一句︰「我畀佢含……」嚇得眾人嘩嘩大叫,Edan即笑稱︰「我段vlog出唔到街!」認真搞笑。
保錡(左下)及阿Dee(右下)接受謝茜嘉訪問。(IG截圖)
另外,「宇宙天團」ERROR兩位成員吳保錡及何啟華(阿Dee)昨日接受《叱咤樂壇》訪問,大談新歌《愛情值日生》。提到歌曲MV邀得張繼聰(阿聰)和謝安琪(Kay)夫妻檔演出,阿Dee和保錡透露當初希望有「女神」貫穿整個MV,而他們都認為每當提起「女神」就自然聯想到Kay。
阿聰(左二)一口答應拍攝MV,令ERROR四子十分感動。(資料圖片)
兩子表示原本並不認識Kay,但有次出席電影首映禮時,阿聰兩夫婦剛巧坐在他們身後,散場時兩人膽粗粗邀請他們拍MV,阿聰即爽快答應,令他們相當感動。而在拍攝過程中,阿聰也給予不少意見,保錡笑稱︰「阿聰話肥仔(梁業)好適合做娛樂圈,因為佢好鍾意瞓覺,隨時叉到電,做呢行好運同瞓覺都好緊要。」阿Dee又笑言︰「拍MV時適逢過年,我哋輪流向Kay逗利市,等佢無咁大壓力,如果四個圍住佢好似收保護費咁!」
轉載自: 晴報
【你點睇】工聯會調查指外勞輸入政策影響漸現,多個行業失業比例較高,促暫停輸入外勞,你是否認同?► 立即投票