2021-10-05
23歲馬在驤被網民彈「老顏」 馬德鐘為兒子平反
【晴報專訊】馬德鐘和兒子馬在驤在無綫劇集《我家無難事》中,首次父子檔上陣,雖然馬在驤客串飾演年輕版馬德鐘,但因挾爸爸之名而成為焦點,網民對高大威猛的他評頭品足,批評他看來比53歲的父親更成熟。昨日馬在驤接受《晴報》訪問,沒好氣指「生得成熟無辦法」;馬德鐘亦為兒子平反,直言自己初出道時已不是演「小鮮肉」,可見父子同心。
馬德鐘在《我家無難事》飾演性格無賴的「郭得勤」,角色被評為自私小氣又自以為是,令觀眾看得十分肉緊,該劇監製王心慰都大讚他的誇張演技令人眼前一亮,其高大健碩的外形,加上賤賤格格又搞笑的演技,網民更指他似足漫畫角色孟波,掀起熱議。昨日馬德鐘與馬在驤父子一同接受本報訪問,馬德鐘笑言大愛「郭得勤」一角:「雖然人物性格好似有啲誇張,但社會上真係有啲咁嘅人。(網民話你似孟波?)造型係監製設計嘅,佢好堅持我要將頭髮放落嚟,咁我話試下,出嚟又真係有嗰個效果,佢好有眼光。」
愛子心切的馬德鐘,昨日在訪問中處處為兒子馬在驤護航。
預告「郭得勤」終會醒覺
馬德鐘在《我》劇中誇張又搞笑的演繹,被指似足漫畫人物孟波。(電視截圖)
今次激罕演繹誇張搞笑角色,馬德鐘直言大眾認定主角有光環,甚少看到主角有這麼多缺點,但「郭得勤」終有一日會醒覺︰「大家睇落去就知咩事令佢改變。(網民話劇中感覺太瘦?)無辦法,我拍《我》劇時,同時拍緊《飛虎之壯志英雄》,頂得到算係托賴。」至於馬在驤透露有追看自己的處男演出,他更搞笑地批評爸爸飾演的「郭得勤」:「你個角色咁煩嘅!」馬德鐘即謂︰「咁就啱喇,如果觀眾有呢個反應係啱嘅,因為呢個角色真係好討厭,佢唔討厭又點帶得出呢個人物性格。」
上周五的一集中,馬德鐘與劇中胞弟楊明(右三)終和好如初。(電視截圖)
辯稱生得成熟無問題
飾演馬德鐘年輕版的馬在驤,不時在劇中「閃現」登場。(電視截圖)
現年23歲的馬在驤遺傳爸爸的優良基因,生得高大健碩兼黑黑實實,不過有網民卻批評他明明年紀是小鮮肉,但樣貌竟然比爸爸生得成熟。馬德鐘聞言立即為乖仔平反說:「其實我自己當年一出道,都無做過小鮮肉,喺《創世紀》已經演大哥,所以我一入行已經做『臘肉』,去到50歲都仲係做『臘肉』。」馬在驤則略帶不滿謂︰「成熟咪成熟囉,有咩辦法啫,網民都講咗好耐啦,搵啲新嘢嚟講下啦!我覺得無問題㗎,每個人形象都唔一樣嘛,如果唔係,咪全部人都一樣?」有網民更指馬在驤與AV男優加藤鷹撞樣,馬德鐘即搶答︰「佢唔識㗎,佢唔係好知呢啲。」
轉載自: 晴報
【你點睇】工聯會調查指外勞輸入政策影響漸現,多個行業失業比例較高,促暫停輸入外勞,你是否認同?► 立即投票