拍廣告潮唱樂壇新歌夠貼地 李司棋挺娛圈小鮮肉︰Edan係好演員

　　【晴報專訊】李司棋（司棋姐）最近為外賣平台拍攝網上廣告，穿上制服化身外賣「步兵」的司棋姐少女心大爆發，賣萌潮唱樂壇新人張天賦（MC）的歌曲，夠晒貼地。身為前輩的司棋姐昨午接受《晴報》訪問時，直認有留意現時娛圈新人，更坦承有睇ViuTV《大叔的愛》：「呂爵安（Edan）交足戲！」

 

 

　　憑07年無綫劇集《溏心風暴》「大契」一角贏得視后的司棋姐，近年甚少拍劇拍廣告，反而經常在網上分享生活點滴，襯衫展現不同造型，現時已成IG達人的她，擁有接近七萬粉絲。日前，她為外賣平台戶戶送（Deliveroo）拍廣告，與梁祖堯、樂壇新人MC及動作演員張文傑合作，司棋姐以外賣妹造型現身，最過癮的是她狂擺不同「港女」甫士賣萌，贏盡網友掌聲。最後，司棋姐送外賣美食給MC，該名小鮮肉唱出自己歌曲《反對無效》，司棋姐竟能接住唱出下一句，甚有驚喜。網民齊齊對司棋姐心心眼，大讚她唱年輕偶像的歌曲夠貼地。

 

司棋姐與MC對唱，網民表示聽到耳朵也懷孕了。（網上截圖）

 

讚張天賦歌聲好聽到暈

 

司棋姐做「步兵」大擺港女甫士，cute到爆裂。（網上截圖）

 

　　昨日司棋姐受訪時，透露該廣告是在數日前拍攝，提到她賣萌之餘又表情多多，她說︰「今次拍廣告好得意，玩法無咁正統，導演想有多啲新意，我都放開嚟玩！」司棋姐讚拍攝團隊專業，提到MC、梁祖堯及張文傑等拍檔，她說︰「其實我好少見佢哋，始終有啲係唱歌，有啲拍舞台劇同拍戲！」今次開金口唱歌，司棋姐直言︰「MC唱歌把聲好靚、幾好聽，我欣賞佢嘅歌藝，佢唱完之後我都唔知自己唱乜，好聽到暈暈哋！」

 

活躍IG緊貼潮流

 

司棋姐曾到尖沙咀Anson Lo的生日應援廣告牌打卡。

 

　　司棋姐笑言今次是難得機會在後輩身上學習︰「做咗娛樂圈咁多年，世界不停改變，唔想落後就一定要跟時代步伐，知道年輕人喜好！（留意MIRROR？）我有聽Anson Lo（盧瀚霆）唱歌，亦有睇Edan演《大叔的愛》，Edan係一個好演員，暫時演咗幾部作品，見佢交戲交得幾好。」她表示對新人不用太嚴苛，相信Edan屬可造之材。至於會否復出拍劇，司棋姐坦言未有此想法︰「拍劇時間太長，人生乜嘢年紀做乜嘢事，依家生活輕鬆，做下運動瞓下晏覺，每個星期日朝早會返新城電台主持《新紀元健康檔案》。」她笑言熱愛玩IG，竟改變觀眾對她的印象︰「我以前拍劇都係演媽咪、婆婆呢類苦情角色，依家人哋知道我煮嘢食、點樣襯衫，畀大家知道我嘅近況。」

 

司棋姐直認是《大叔的愛》粉絲，對Edan讚不絕口。（網上截圖）

 

 

轉載自: 晴報

• 

《說說心理話》說說心理急救：遇危急事故應如何面對？點樣正確提供情緒支援？講錯說話容易造成二次傷害！► 即睇