亞姐面試24位佳麗娘爆泳裝上陣鬥騎呢 網民O嘴

　　【晴報專訊】《亞洲小姐競選2021》香港賽區競選昨日舉行首輪面試，24位參賽者以泳裝示人，一眾佳麗燕瘦環肥，不少人的身形嚇壞網民，當中37歲的薛影儀擁有村姑氣質，大曬胃腩勁趕客；謝雨倩突然化身「折骨Ben」表演騎呢折骨功，如同街頭賣藝騷。

 

謝雨倩樣貌尚算標緻，但突然示範折骨功，令人摸不著頭腦。

 

　　今屆亞姐以「美麗傳承」為主題，佳麗年齡介乎18歲至46歲，當中有人未能操純正廣東話，而佳麗質素絕對是「騎呢集中營」。24位參賽者穿上娘爆泳裝會見傳媒，身形缺點亦表露無遺。當中24歲學生郭紀君及37歲的薛影儀雙雙曬巨腩最哄動，甘穎怡的一雙象腿亦夠粗壯；23歲YouTuber謝雨倩外表不俗，她更突然示範折骨功，充滿個人風格；25歲馬嘉韻身上有九個紋身，但她沒有刻意遮蓋。不少網民直指今屆亞姐一如過往「水準依然」娘味濃；有人更狠批多位佳麗雖然有身材，但驚現大嬸樣。

 

寒背薛影儀自信攞季軍

 

薛影儀所穿的三點式似內衣多過泳衣，絕對是騎呢之最。

 

　　全場最騎呢的薛影儀透露任職茶餐廳侍應，雖然她寒背兼有巨腩，但她揚言滿意自己的身形，自誇皮膚夠白，頭髮、外表也不俗，自信爆棚。她受訪時說：「我只係想試下，難得今年年齡放寬，事前無乜準備。我都會keep fit，成日跑步。（有信心？）有，可以季軍。」自稱是兼職模特兒的甘穎怡，一雙粗腿兼身材略胖，她說：「我會努力減肥，現時大約160磅，希望減十磅，之前都有打籃球。」

 

年紀最大、46歲的胡春梅（右）站在18歲甘穎怡身旁，似足兩母女參選。

 

郭紀君上圍肚腩夠重量級

 

就讀奧克蘭大學的郭紀君現時身形肥嘟嘟，但她的IG過往有不少索爆泳照。

就讀奧克蘭大學的郭紀君現時身形肥嘟嘟，但她的IG過往有不少索爆泳照。（IG圖片）

 

　　留學新西蘭的郭紀君雖然擁有38D驕人上圍，但她的肚腩亦屬「重量級」，表演唱歌時更瘋狂走音。不過，她的IG卻有不少水著女神靚相，可見她昔日曾擁有fit爆身形，亦有不少與男友的合照。郭紀君受訪時辯稱受新冠肺炎疫情影響而發福，強調會積極減肥，同時正箍牙矯正牙齒。另外，去年曾參選亞姐的馬嘉韻今年再接再厲，她死撑紋身不會影響參選︰「我17歲時做無綫世界盃女郎，都無話好介意我啲紋身，今屆港姐都有人紋身（關楓馨），佢只係用遮瑕膏遮住！」她認為男團MIRROR有成員亦有紋身，但仍吸納大批粉絲。

 

馬嘉韻以黑色三點式亮相，大曬九個紋身，MK味濃。

 

轉載自: 晴報

• 

想要獨家投資理財Tips？即Like etnet 全新Facebook專頁► 立即讚好