【晴報專訊】反修例示威持續，警民衝突日益升溫，曾多次上街遊行的葉德嫻（Deanie姐）昨日出席舞台劇《親親麗南》記者會時，表態支持年輕人，感謝他們力阻修例通過，並促請當權者認真解決事件。

 

 

潘燦良、蘇玉華、葉德嫻及凌文龍同屬好戲之人。

 

　　葉德嫻、蘇玉華（阿蘇）、潘燦良及凌文龍昨日出席《親親麗南》記招，四人將於12月20日起演出27場舞台劇。Deanie姐向來關心社會時事，提到連日來的示威衝突，不少人受傷流血，Deanie姐說︰「有邊個唔會緊貼呢啲新聞！」對於每次遊行集會，最終演變成暴力事件，她說︰「希望大家明白點解會出現暴力，唔好忘記點解發生呢件事先，多謝年輕人喺6.12出嚟，否則呢個惡法已經通過咗，點都好，好多謝佢哋，直至今日呢一刻都係。」

 

　　是否與年輕人不割席？Deanie姐點頭認同，又表示對流血衝突感到痛心︰「相信唔痛心嘅都係冷血，不過都有冷血嘅人存在，好多呢啲人，所以痛唔痛心睇個人啦。」她表示會繼續支持學生︰「學生要堅持，你哋做得好啱，你哋無做錯。（有何方案解決社會撕裂？）我有咁嘅權咩？個權喺邊個手，佢咪可以解決。」

 

入行首次踏台板

 

葉德嫻坦言從影以來，今次才首度獲邀主演舞台劇。

 

　　貴為影后的Deanie姐，今次首度參演舞台劇，她謙稱在舞台劇界是新人，更自認是「豬隊友」，笑言要向「前輩」凌文龍請教，嚇得凌文龍即說︰「唔好玩我啦太后，我係小龍子，畀條路行下。」

 

　　同劇的蘇玉華飾演Deanie姐的女兒，阿蘇與男友潘燦良坦言成功邀得Deanie姐獻出舞台劇第一次，令他們興奮又感動。阿蘇表示當邀請Deanie姐合作時，Deanie姐竟擔心會拖累大家，於是她誠意希望對方先睇劇本，最後促成合作。邀請Deanie姐的酬勞是否天價？潘燦良說︰「錢唔係最重要，大家珍惜合作機會。」

 

轉載自: 晴報

• 

《說說心理話》 消費能獲取快樂？買不起，不如花光錢錢$$？「習得性無助」有何影響？一起看看正確理財觀念。► 即睇