2018-12-27
「天嬌」人氣急升 譚凱琪送禮遭男友嫌棄
【晴報專訊】在劇集《大帥哥》飾演「天嬌」的譚凱琪(Zoie),昨日到大圍出席聖誕活動。甚少提及感情事的她,自爆與金融才俊男友莊日宇,共進浪漫聖誕晚餐。男友送上甚麼禮物?她甜笑表示︰「佢送咗個心。」
譚凱琪事業愛情兩得意。
譚凱琪、何廣沛及梁嘉琪一齊參與Boxing Day活動,Zoie近日與何廣沛一同拍劇,還親自整了一批Cup Cake帶給劇組同事分享,認真窩心。雖然聖誕節要在工作中度過,但Zoie仍有抽空與男友共度佳節,她說︰「我哋都係簡單食咗餐飯,亦無特別交換禮物,因為我揀禮物唔叻,平時都係見到啱佢嘅嘢先買。」
Zoie又自爆早年曾自製一條bling bling領呔給男友,可惜男友嫌太閃很老套,她無奈表示︰「喺初相識時,仲話我bad taste,叫我以後唔好嘥錢。」
何廣沛搣脂做主持
梁嘉琪、何廣沛及譚凱琪與一班小朋友共度Boxing Day。
同場的何廣沛自爆被家人「放飛機」,他無奈稱︰「我諗住今日唔使返廠可以陪屋企人,點知爸媽同家姐都出晒街,夜晚得番我一個,係一個美麗嘅誤會。」問他為何不約緋聞女友朱晨麗?何廣沛直言︰「臨時先約人,自己都覺得肉酸啦,呢啲日子個個都有plan,遲啲得閒先約佢食飯,慶祝我之前攞獎。」而稍後他將主持旅遊節目,最近更開始操肌,「我會去陽光與海灘嘅地方,希望練到朱古力腹肌,搣甩啲脂肪。」
轉載自: 晴報
【你點睇】烏軍攻入俄國庫爾斯克州近兩周,並炸毀兩座重要橋樑,你認為俄烏戰爭會否急劇惡化?► 立即投票