ViuTV夠誠意 鄭少秋過檔拍《詭探前傳》

　　【晴報專訊】鄭少秋（秋官）對上一次拍無綫劇，已是六年前的《心戰》，他昨日出席ViuTV宣傳活動，正式宣布加盟新劇《詭探前傳》，今次唔做大俠，轉行做靈異大師。秋官坦言滿意酬勞，更被電視台的誠意打動。

秋官宣布拍劇，即有網民擔心「丁蟹效應」股災再現？

　　ViuTV去年播出的懸疑驚慄劇《詭探》反應理想，故今次「添食」《詭探前傳》，拍攝幾位主角的年輕版故事。鄭少秋自言入行多年未做過這種靈異角色，他亦有睇第一輯，對新劇很感興趣。秋官年屆71歲，問他可擔心拍劇辛苦？他開心表示不用捱更抵夜︰「唔會太辛苦，佢哋時間分得好好，夠晒休息，夜班分得好開咁拍。」

「詭探三師兄弟」（左起）陳安立、游學修及麥子樂，苦練舞蹈迎接秋官加盟。

　　游學修、陳安立及麥子樂飾演秋官的徒弟，阿修表示敬仰對方，能跟秋官合作是興奮多過緊張。活動後，阿修更在社交網抵死爆料︰「《詭探前傳》第一集，師父欠下巨債，上天台丟晒三個徒弟落樓，完！」擺明在惡搞《大時代》經典。

轉載自: 晴報

【你點睇】有議員倡向來港高才專才派2萬元生育獎金，你認唔認同？► 立即投票