食海鮮推介2023 | 精選西貢、流浮山、屯門三聖心水海鮮！尖沙咀名廚星馬胡椒蟹、老字號新作阿拉斯加蟹兩食、南丫島Resort Feel抵食海鮮餐

食海鮮精選推介 | 3.每位$288起海鮮全包宴！西貢親民價海鮮套餐！必食專人採本地海膽炒飯——金輝海鮮菜館

　　去地道漁村食海鮮，通常埋單先知消費多少，樣樣菜式都是海鮮價，令人怕怕，食過一次就算。而西貢有間金輝海鮮菜館，好多回頭客之餘，更不少人盛讚「充滿熱誠、人情味濃厚及良心的海鮮酒家！」因為酒家名碼實價推介套餐，超值自選海鮮全包宴每位$288起。而$456二人套餐可以於16道菜當中選出4款，當中有獨家海膽炒飯、椒鹽瀨尿蝦、豉椒炒蟶子和清蒸鮑魚選擇，更免費送清炒時蔬和合時水果。

門外名碼實價標明套餐價錢，不怕被海鮮價劏一頸血。
（圖片來源：金輝海鮮菜館Facebook）

套餐性價比高，更送清炒時蔬和合時水果。
（圖片來源：金輝海鮮菜館Facebook）

　　店內招牌有清蒸東星斑、豉油王大蝦、蒜蓉粉絲蒜扇貝等等，被公認不可錯過的，非獨家海膽炒飯莫屬。點獨家法？酒家標榜「一人攞膽」，即餐廳有專人親自落水取得本地新鮮海膽，而非如大部分海鮮酒家般採用加拿大海膽。本地海膽海水鮮味特別霸氣鮮明，用以炒飯，鮮香噴發。最重要，唔怕被劏一頸血！

必食獨家海膽炒飯。
（圖片來源：金輝海鮮菜館Facebook）

辣酒煮花螺可說是香港漁港海鮮經典。
（圖片來源：金輝海鮮菜館Facebook）

薑葱炒蟹十分入味。
（圖片來源：金輝海鮮菜館Facebook）

金輝海鮮菜館
地址：西貢海傍街35-39號地下
電話：2792 9398
營業時間：星期一至日 10am-11pm

下一頁：流浮山鄉土漁港風味！簡單實際食原味！必食油鹽焗蟹、奄仔蟹、金蠔

 《經濟通》所刊的署名及／或不署名文章，相關內容屬作者個人意見，並不代表《經濟通》立場，《經濟通》所扮演的角色是提供一個自由言論平台。

【etnet 30周年】多重慶祝活動一浪接一浪，好禮連環賞！ ► 即睇詳情

• 1
• 2
• 3
• 4
• 5
• 6