蘇施黃上周五(11日)於其社交網站上載一幅在Crown Hotel的收據，表示她點英式奶茶時，希望茶濃一點，要求兩個茶包，侍應Jacky表明「兩個茶包都收兩杯的錢，經理都係咁話」，蘇更回應道「你敢收就得嘞」。最後，蘇與友人點了三杯英式奶茶，酒店收了每份兩個茶包的錢（即6個茶包$330）。蘇不但形容Jacky為「蠢侍應」，更表示「我唔廣傳Crown Hotel 的cheap精惡行真對唔住自己。茶包一個值幾多錢呢，三個茶包就立即可以損害你的聲譽」。

　　相片上載後，惹來網友狂轟，認為她今次是「三個茶包就自損聲譽」。另外，她這段留言亦變成「潮文」，用她的文章結構，只需要改寫食物的種類和餐廳名稱便成。事情迅速在網上發酵，更有網友翻舊賬，上載一段她主持節目片段，內容是指她藐爆街邊檔十蚊雪糕貴的情況，視為她不尊重人的前科。而蘇於昨日(13日)於社交網站回應，指「我今次絕對有不是的地方，錯在『Assume』，無問清楚一包茶包要加多幾多錢」。這個回應同樣被網友狂轟，認為她誠意不足。

　　針對「三個茶包」的事件，「Simon」認為「又係小姐你叫人敢收就得，人哋敢收，你又要發老脾唱人，究竟邊個先係Cheap精?」，「Mong Gui」則認為蘇「當自己得不到自己想要的著數，就話人哋不是。可憐侍應同經理，遇到你個惡客，隨時份工都無」，並認為她自私。另外，亦有網友力撐蘇無錯，「依家不是去茶餐廳，濃淡應可以按客人要求，作為消費者，有權對商戶作出要求」。

　　至於她的「道歉」言論，網友認為完全不覺得有反省，「KA HO」認為她「講大話，根本自己都講到明，知道會收兩倍，事後又嘈人哋，咁講都係博人原諒」。另外，不少網友認為她應該向酒店及侍應Jacky道歉，「林岳庭」說「其實個侍應都係打工姐，點解要話人蠢呢？」，而「Ken」認為「蘇施黃係一位公眾人物，喺社會上具有一定影響力，如果酒店因為蘇絲黃所引起嘅群眾壓力，解僱該位侍應，咁佢係咪好無辜呢？」。

 《經濟通》所刊的署名及／或不署名文章，相關內容屬作者個人意見，並不代表《經濟通》立場，《經濟通》所扮演的角色是提供一個自由言論平台。

【你點睇？】皇馬巴塞傳奇表演賽爆簽名會風波，26人買涉$20萬套票僅見部份球星15分鐘，你認為事件哪方須負較大責任？► 立即投票